युद्धाचा मोठा फटका, ऐन हंगामात टरबूजाचे दर 22 वरून 8 वर, शेतकऱ्याचा खर्च निघणे अवघड

‎छत्रपती संभाजीनगर जिल्ह्यातील पैठण तालुक्यातील पाचोड गावातील शेतकरी एकनाथ लेंभे यांनी दोन एकर शेतीमध्ये टरबूजाची लागवड केली होती. टरबूज पिकासाठी बियाणे, खत, औषधे, पाणी व्यवस्थापन तसेच मजुरी यासाठी त्यांना सुमारे एक लाख रुपयांहून अधिक खर्च करावा लागला. चांगला भाव मिळेल या आशेने त्यांनी मोठ्या मेहनतीने हे पीक घेतले.

सध्या टरबूजाला केवळ सात ते आठ रुपये प्रति किलो असा दर मिळत आहे. या दरात उत्पादन खर्चही निघणे कठीण झाले आहे. यावर्षी एकनाथ यांना या सर्व शेतीमध्ये सात ते आठ लाख रुपये एवढा नफा मिळणार होता, पण युद्धामुळे तो नफा आता दोन ते तीन लाख रुपयांवर आलेला आहे. ‎‎आंतरराष्ट्रीय घडामोडींचा थेट परिणाम आता शेती क्षेत्रावर होत असल्याचे चित्र दिसून येत असून टरबूज उत्पादक शेतकरी सध्या चिंतेत आहेत.

‎

‎