Eating Habits : नाईट इटिंग सिंड्रोम कशामुळे होतो ? आरोग्यावर या सवयीचा काय परिणाम होतो ?
- Published by:Renuka Joshi
Last Updated:
नाईट इटिंग सिंड्रोम म्हणजे, ज्यात दिवसा जास्त खाणं नियंत्रित केलं जातं, पण रात्री भूक इतकी तीव्र होते की एखाद्याला भूक रोखता येत नाही आणि खाण्यावर नियंत्रण ठेवू शकत नाहीत. जेवणानंतर परत रात्री उशीरा भूक लागणं तर आहेच पण काहींना झोप लागलेली असते. पण भूकेमुळे ते झोपेतून उठतात आणि खातात.
मुंबई : शरीराच्या प्रत्येक कार्य करण्यासाठी आवश्यक असलेली ऊर्जा अन्नातून मिळते. त्यामुळे शरीराला पुरेसं अन्न मिळणं आवश्यक असतं.
काहींना रात्रीचं जेवण झाल्यानंतरही उशीरा भूक लागते आणि यावेळी पोषक अन्न न खाता पॅकेज्ड पदार्थांकडे हात वळतो. यात कधी बिस्किटं, नूडल्स किंवा चिप्स खाल्ले जातात. याला वैज्ञानिकदृष्ट्या नाईट इटिंग सिंड्रोम म्हटलं जातं.
नाईट इटिंग सिंड्रोम म्हणजे, ज्यात दिवसा जास्त खाणं नियंत्रित केलं जातं, पण रात्री भूक इतकी तीव्र होते की एखाद्याला भूक रोखता येत नाही आणि खाण्यावर नियंत्रण ठेवू शकत नाहीत. जेवणानंतर परत रात्री उशीरा भूक लागणं तर आहेच पण काहींना झोप लागलेली असते. पण भूकेमुळे ते झोपेतून उठतात आणि खातात.
advertisement
आयुर्वेदात याचं कारण काय सांगितलंय समजून घेऊया.
तुमची दैनंदिन दिनचर्या आणि पचनक्रियेतील असंतुलनाशी नाईट इटिंग सिंड्रोमचा संबंध आहे असं आयुर्वेदात म्हटलंय. रात्री उशिरापर्यंत जागणं देखील याला एक कारणीभूत घटक असू शकतो. शरीराचं नैसर्गिक खाण्याचं वेळापत्रक बिघडतं तेव्हा पचनसंस्थेवर देखील परिणाम होतो.
advertisement
रात्रीचा वेळ हा शरीरासाठी विश्रांती आणि दुरुस्तीचा काळ मानला जातो. या काळात वारंवार खाल्ल्यानं पचनक्रियेवर परिणाम होऊ शकतो. हळूहळू, यामुळे वजन वाढू शकतं आणि सकाळी जडपणा जाणवू शकतो. याचा झोपेवरही गंभीर परिणाम होऊ शकतो आणि दिवसभर जडपणा जाणवू शकतो.
advertisement
नाईट इटिंग सिंड्रोमवर मात करण्यासाठी आयुर्वेदात अनेक मार्ग सांगितलेत. ज्यामुळे तुमची जीवनशैली हळूहळू सुधारते. हे साध्य करण्यासाठी, सूर्यास्तापूर्वी रात्रीचं जेवण करण्याचा प्रयत्न करा आणि जेवण हलकं ठेवा. तळलेले पदार्थ टाळा, कारण यामुळे शरीराला अन्न पचण्यास दुप्पट त्रास होऊ शकतो.
दुसरी पद्धत म्हणजे झोपण्यापूर्वी कोमट दूध पिणं. यामुळे झोप येण्यास मदत होते. कोमट दूध प्यायल्यानं मन आणि मेंदू शांत होतो आणि गाढ झोप येते. तसंच, रात्री मोबाईल फोन वापरणं टाळा. तुमच्या फोनमधील प्रकाश झोपेवर परिणाम करू शकतो.
Location :
Mumbai,Maharashtra
First Published :
Mar 13, 2026 5:45 PM IST
मराठी बातम्या/लाइफस्टाईल/
Eating Habits : नाईट इटिंग सिंड्रोम कशामुळे होतो ? आरोग्यावर या सवयीचा काय परिणाम होतो ?
