TRENDING:
नेमकं घडतं काय?
भिवंडी शहरात चोरीच्या घटना थांबताना दिसत नाही, त्यात आता पतीसोबत रस्त्याने पायी जात असलेल्या एका महिलेला चोरट्यांनी लक्ष्य केलेले आहे. ज्यात दुचाकीवरुन आलेल्या भामट्यांनी चक्क धूम स्टाईलने महिलेच्या गळ्यातील सोन्याची चेन हिसकावून पळ काढला आहे.
मिळालेल्या माहितीनुसार, ही घटना भिवंडीतील अंजूर फाटा परिसरात असलेल्या एका शाळेजवळ घडली. निशा जोजो पारेकाटील असे या महिलेचे नाव असून त्या आपल्या पतीसोबत रस्त्याने पायी जात होता. दरम्यान त्यावेळी अचानक दुचाकीवरुन आलेल्या चोरट्यांनी त्यांच्या गळ्यातील सोन्याची साखळी पळवली. हे चोरटे इतक्या वेगाने आले की काही समजण्याच्या आता ते पसार झाले. घडलेल्या या घटनेमुळे परिसरात एकच खळबळ उडाली आहे.
advertisement
या घटनेप्रकरणी नीशा यांनी दिलेल्या तक्रारीनुसार, नारपोली या पोलीस ठाण्यात अज्ञात चोरट्यांविरुद्ध गुन्हा नोंदवण्यात आलेला आहे. पोलीस सध्या या परिसरातील सीसीटीव्ही फुटेजच तपासणी करत असून आरोपींचा शोध घेत आहे.