अहिल्यानगर परिसरात रातोरात जोरदार पावसाने थैमान घातले आहे. मुसळधार पावसामुळे परिसरातील रस्ते, घरं आणि दुकाने पाण्याखाली गेले आहेत. स्थानीय नागरिकांचे हाल बेहाल झाले असून अनेकांना स्थलांतर करावे लागले आहे. वाहने पाण्यात अडकले असून लोकांना हालचाल करताना मोठा त्रास सहन करावा लागत आहे.

राज्यात मतदानादरम्यान राडेच राडे झाले. अनेक ठिकाणी हाणामाऱ्या झाल्या, तर काही ठिकाणी जाळपोळ झाली. कधी बोगस मतदानावरुन तर कधी बाचाबाची वरुन वाद विकोपाला गेले.

मतदानानंतर शाई पुसली जात असल्याचा आरोप मनसे उमेदवार उर्मिला तांबे यांनी केला आहे. असे प्रकार करायचे असतील तर निवडणुक घेता कशाला असं त्या संतापाने म्हणाल्या आहेत.

जळगावात शिवसेनेचे कार्यकर्ते वसंत सोनवणे यांना मारहाण करण्यात आली आहे. तेव्हा त्यांच्या हाथाला आणि पायाला जखम झाली. अपक्ष उमेदवारांनी त्यांना मारहाण केल्याचा आरोप त्यांनी केला आहे.

चंद्रपुरात नेहरु शाळा परिसरात मतदान केंद्राबाहेर भाजप-शिवसेनेत जोरदार राडा झाला आहे. मतदारांना पैशाचे आमिष दाखवल्याचा आरोप विरोधकांनी केला आहे. त्यामुळे जमाव पांगवण्यासाठी पोलिसांनी लाठीचार्ज केला आहे.

मिरा-भाईंदरमध्ये पैसे वाटपाच्या आरोपावरुन भाजप-शिवसेनेचे कार्यकर्ते आमनेसामने आले आहेत. तेव्हा परिस्थिती इतकी चिघळली की एका युवकाला अमानुष मारलं आहे. पोलीसांना माहिती मिळताच त्या युवकाला त्यांनी हस्तक्षेप करत वाचवलं.