TRENDING:
अपघातात मृत श्रेया गाडे ही कर्मवीर भाऊराव पाटील महाविद्यालय येथे बीसीएच्या द्वितीय वर्षात शिक्षण घेत होती. श्रेया नवीन कराड नाका परिसरातील समाजकल्याण वसतिगृहात वास्तव्यास होती. रविवारी सायंकाळी सुमारे 4 वाजण्याच्या सुमारास ती व तिची मैत्रीण स्नेहा सवयीसर्जे (राहणार सलगर, तालुका मंगळवेढा) या दोघी सायकल पंक्चर काढण्यासाठी बाहेर पडल्या होत्या.
advertisement
नवीन कराड नाकाहून पंत चौकाच्या दिशेने जाणाऱ्या (एमएच 13 EW 7677) टिप्परने त्यांच्या सायकलला जोरदार धडक दिली. या भीषण धडकेत श्रेया हिचा जागीच मृत्यू झाला, तर स्नेहा गंभीर जखमी झाली. तिला तातडीने खासगी रुग्णालयात दाखल करण्यात आले असून तिच्यावर उपचार सुरू आहेत.
दरम्यान, अपघातानंतर टिप्पर चालकाने जखमींना उपचारासाठी रुग्णालयात न नेता घटनास्थळावरून पळ काढल्याची माहिती मिळाली आहे. या घटनेबाबत पोलिसांकडून तपास सुरू असून आरोपी चालकाचा शोध घेतला जात आहे. परिसरात हळहळ व्यक्त होत असून दोषींवर कठोर कारवाई करण्याची मागणी होत आहे.