कोकणातील दाभोळखाडी येथील मच्छिमार बांधवांना जीवन जगण्याचा आधार म्हणजे ही खाडी आहे. तीच खाडी आता प्रदुषणाच्या विळख्यात सापडली आहे. त्यामुळे दाभोळखाडीतील मच्छिमार कुटुंब अडचणीत आले आहेत. हजारो पारंपारिक मच्छिमार मोटाकुटीला आहेत. एमआयडीसी परिसरातून रसायनमिश्रित सांडपाणी सोडल्याचा आरोप मच्छिमारांनी केला आहे.

पुणे आणि पिंपरी चिंचवडमध्ये उपमुख्यमंत्री अजित पवार यांची प्रचार सभा झाली. त्यात त्यांनी नाव न घेता भाजप नेते चंद्रकांत पाटील यांच्यावर निशाणा साधला आहे. ते म्हणाले, " पक्ष वाढवण्यासाठी कार्यकर्ते जीवाचं रान करतात आणि तुम्ही त्यांना खेळवत ठेवता. त्यांना खड्यासारखं बाजूला टाकता."

'बिग बॉस मराठी 3' चा उपविजेता आणि 'स्पिट्सविला'चा विजेता अभिनेता जय दुधाणेला बेड्या पडल्याची बातमी वाऱ्यासारखी पसरली आणि मराठी सिनेसृष्टीत एकच खळबळ उडाली. जय दुधाणे याला ५ कोटींच्या फसवणूक प्रकरणात मुंबई विमानतळावरून ताब्यात घेण्यात आलं.

पुणे आणि पिंपरी चिंचवडमध्ये अजित पवार आणि भाजप नेत्यांमध्ये शा‍ब्दिक फैरी झडताहेत. ज्यांनी माझ्यावर भ्रष्टाचाराचे आरोप केले, त्याच्याच सोबत मी सत्तेत बसलोय, असे सांगत अजित पवार यांनी भाजपवर जोरदार पलटवार केला. त्यामुळे अजित पवार यांच्या आरोपांची धार पाहून भाजप नेतेही चांगलेच खवळले आहेत.रवींद्र चव्हाणांनंतर आता, घरला जायचं आहे का? असे म्हणणाऱ्यांना मी सांगू इच्छितो की दमात घेऊ नका, हलक्यात पण घेऊ नका, कारण मुख्यमंत्री आणि गृहमंत्री आमचा आहे, असा इशारा चंद्रकांत पाटील यांनी दिला.

उमेदवारी अर्ज मागे घेण्याच्या शेवटच्या दिवशी मनसेचे नेते बाळासाहेब सरवदे यांची भरदिवसा हत्या करण्यात आली, ज्यामुळे शहरात तणावपूर्ण वातावरण निर्माण झाले होते. अशातच आज मनसे नेते अमित ठाकरे यांनी सरवदे यांच्या कुटुंबियांची भेट घेत सांत्वन केलं आहे. मी मुख्यमंत्री फडणवीस यांची भेट घेऊन त्यांना सांगणार आहे. त्यांनी एक दिवस प्रचार सोडून इकडे यावं.मी त्यांच्या मुलींच्या शिक्षणाचा खर्च करणार आहे. असंही अमित ठाकरे यांनी म्हंटले आहे.

भाजपचे माजी खासदार किरीट सोमय्या यांनी आपले सुपुत्र नील सोमय्या यांच्याविरोधात ठाकरेंचा उमेदवार नसल्याचा दावा केला होता. पण आता ठाकरे गटाने मोठा डाव खेळला आहे. संजय राऊत यांनी सांगितले की, जागा वाटपाच्या वेळी आम्ही या जागेसाठी आग्रही होतो. मात्र, शरद पवार गटाने ही जागा मागून घेतली. मात्र, अर्ज पडताळणीत ही जागा बाद झाली. याच मतदारसंघात दगाफटका होऊ शकतो, या विचाराने कडवट शिवसैनिक दिनेश जाधव यांनी अपक्ष म्हणून अर्ज भरला होता.नील सोमय्या यांचा विजय हा बिनविरोध होणार नसल्याचे त्यांनी म्हटले.