नागपुर राष्ट्रवादी काँग्रेसच्या अविनाश पारडे यांनी उमेदवारी न मिळाल्याने तुफान राडा केला आहे. त्यांनी नागपुर कार्यालयातील टिव्ही फोडून टाकला आहे, तसेच इतर साहित्याची तोडफोड केली. ते कार्यालयात आल्यावर त्यांना तिकीट न मिळाल्याने नाराजी व्यक्त केली.

राजकीय घडामोडी जोरदार चालू असताना आता शिवसेना-भाजप मध्ये नेमकं कुठे कुठे बिघाडी झाली हे पाहायला मिळत आहे. पण काही ठिकाणी हे दोन्ही पक्ष एकत्र लढताना दिसणार आहेत.

ऐनवेळी भाजपनं तिकीट कापल्याने अमोल बालवडकर आक्रमक झाले होते. यानंतर भाजपला रामराम करत बालवडकरांनी राष्ट्रवादी अजित पवार पक्षात प्रवेश केला. राष्ट्रवादीनंही बालवडकरांना उमेदवारी दिलीय. भाजपला कार्यकर्ता काय असतो दाखवून देणार, मी काय आहे ते दाखवून देणार असं आव्हान बालवडकरांनी दिलंय. जनता माझ्या पाठीशी आहे.

राज ठाकरे मातोश्रीवर तातडीने दाखल झाले आहेत. उद्धव ठाकरे आणि त्यांच्यात काय चर्चा होणार आहेत, याकडे सगळ्यांचे लक्ष आहे. निवडणुकीमुळे मुंबईत राजकीय घडामोडींना वेग आला आहे. यानंतरची रणनीति काय असेल ? असा प्रश्न आहे.

सोलापूरमध्ये निवडणूक कार्यालयात मोठी गोंधळ झाला. भाजपचे एबी फॉर्म उशीरा आणल्याचे आरोप महाविकास आघाडीने केले आहेत. त्यामुळे त्यांचे फॉर्म घेऊ नयेत अशी मागणी मविआ कडून होत आहे.

छ. संभाजीनगरमध्ये अर्ज भरण्यासाठी शेवटचे काही क्षण शिल्लक असताना, तेथे तुफान गर्दी झाली होती. त्यातच आता पोलीस आणि उमेदवारांमध्ये बाचाबाची झाली. त्यातच अर्ज भरण्यासाठी तोबा गर्दी उमेदवारांची पाहायला मिळाली . पण तेथे पोलीस आणि उमेदवार यांच्यात धक्काबुक्की झाली. पोलीस आपलं काम चोख बजावताना दिसत होते..