मुंबईत भाजप-शिंदे गट विरुद्ध ठाकरे अशी रंगतदार निवडणुकीचा सामना ६९ मतदार संघात होणार आहे. त्यामुळे सगळ्यांचं लक्ष महापालिकेवर कोणाचा झेंडा फडकणार याकडे आहे. त्यातच सगळ्यात चर्चेची बाब म्हणजे ठाकरे विरुद्ध शिंदे अशी आहे. ठाकरे १६४ जागांवर तर शिंदे ९० जागांवर निवडणुक लढवणार आहेत.

ठाण्यातील राबोडी परिसरात काल राष्ट्रवादी काँग्रेसचे दोन्ही गट आमने सामने आले होते. त्यामुळे तिकडे तणावाचे वातावरण झाले होते. राष्ट्रवादी काँग्रेस शरद पवार गटाचे आमदार जितेंद्र आव्हाड हे आपल्या उमेदवाराच्या प्रचाराला या परिसरात गेले होते. त्यांना पाहून नजीब मुल्ला समर्थकांनी घोषणाबाजी केली. आमदार जितेंद्र आव्हाडांना डिवचण्याचा प्रयत्न मुल्ला यांच्या कार्यकर्त्यांनी केला.

रिक्षावाल्याच्या नजरेतून ठाणेकर या पालिका निवडणूकीकडे नेमका कसा पाहतोय ते आज 'बघतोय रिक्षावाला' या खास शो मधून दाखवलं आहे. ठाणेकर नेमकं काय म्हणत आहेत? ते या शो मधून मांडलं आहे.

महेश मांजरेकर आणि खासदार संजय राऊत यांची ठाकरे बंधूंची मुलाखत घेतली. तेव्हा राज ठाकरे मुलाखतीमध्ये बोलताना म्हणाले, आज संकट महाराष्ट्रावर आहे, मुंबईवर आहे. हे संकट मराठी माणसाला समजलं आहे.काय प्रकारचं राजकारण महाराष्ट्रात सुरु आहे हे ही माहिती आहे.एकच गोष्ट आम्ही एकत्र यायचं कारण नाही, आमच्याच अस्तित्वाची नाही तर मराठी माणसाच्या अस्तित्वाचा विषय आहे. बाहेरुन येणाऱ्यांची दादागिरी वाढत आहे.

अंबरनाथमध्ये भाजपचा काँग्रेसला मोठा धक्का बसला आहे. कारण 12 नगरसेवकांनी भाजप प्रवेश केला आहे. त्यांचा हा प्रवेश नवी मुंबईमध्ये रवींद्र चव्हाण यांच्या उपस्थितीमध्ये हा पक्ष प्रवेश पार पाडला.

कोल्हापुरात एक प्रचारात एक वेगळा रंग पाहायला मिळाला. आम आदमी पार्टीचे शाहिर दिलीप सावंत आपल्या लेकीसोबत निवडणूक मैदानात उतरले आहेत. त्यांनी आपली मुलगी दिप्ती जाधव यांच्यासोबत डफ तुंतुण वाजवत प्रचार केला आहे.त्यांनी या शाहिरी मधून समस्या आणि सामाजिक प्रश्न मांडले आहेत. आम आदमी पार्टीमधून दिप्ती जाधव उभ्या राहिल्या आहेत.