Supriya Sule NCP News : जाहीरनाम्यानंतर सुप्रिया सुळे यांनी या मुद्द्यावर प्रतिक्रिया दिली. त्यांनी म्हटलं की, संबंधित व्यक्तीने अत्यंत चुकीचं विधान केलं आहे. मुंबई ही महाराष्ट्राची आहे आणि ती कायम महाराष्ट्राचीच राहणार आहे. मुंबईला महाराष्ट्रापासून कुणीही वेगळी करू शकत नाही, असं त्यांनी ठामपणे सांगितलं.

अजित पवारांनी मुरलीधर मोहोळ यांच्यावर निशाणा साधला आहे. ते म्हणाले, "प्राधान्य कोणाला द्यायचं ते माहीती नाही. यांना कामं करायची नाहीत. यांना फक्त नदी सुधार कार्यक्रम, मोठमोठी टेंडरं काढायचे आहे.येडं का खुळं कुणाला माहिती ? "

छ.संभाजीनगरमध्ये एक धक्कादायक घटना घडली आहे. तेथील पैठणमध्ये एका दुचाकीस्वाराला लाठ्याकाठ्या, तलवारीने हल्ला केला आहे. जखमीला रुग्णालयात दाखल केले आहे. पण या हल्ल्याचं कारण अस्पष्ट आहे.

मुंबई : दादर येथील पौर्णिमा ठाकूर यांनी पर्यावरण संवर्धनाचा विचार करत स्वतःचा बांबू आर्ट्सचा व्यवसाय बंद करून कापडी बॅग्स विक्रीचा नवा व्यवसाय सुरू केला आहे. प्लास्टिकमुळे होणारे गंभीर दुष्परिणाम-मानव, प्राणी तसेच पर्यावरणावर होणारा धोका हे लक्षात घेऊन त्यांनी हा निर्णय घेतला.

सोलापुरात मोठी राजकीय घडामोड दिसत आहे. सोलापुरातील एकनाथ शिंदेंच्या सेनेतील संपर्क प्रमुख दादा पवार यांनी ठाकरेंच्या सेनेत प्रवेश केला आहे. प्रवेश करताना त्यांना अश्रू अनावर झाले.

मूड महापालिकांचा या शो मधून पुण्याच्या सर्व पक्षांच्या नेत्यांनी आणि कार्यकर्ते एकमेकांवर टीका करताना दिसत आहेत. त्यात एकाने म्हटले भाजपाचं काम असं आहे खोटं बोल पण रेटून बोल.