विरारमध्ये पैसे वाटपाच्या आरोपावरून बविआ आणि भाजप कार्यकर्त्यांमध्ये जुंपली. एका हॉटेलमध्ये पैसे वाटप सुरू असल्याचा आरोप करत बविआ कार्यकर्त्यांनी गोंधळ घातला. तावडेंवर पैसे वाटपाचा आरोप करत बविआ कार्यकर्त्यांनी गोंधळ घातला. कारवाईशिवाय विनोद तावडेंना हॉटेलबाहेर जाऊ देणार नाही म्हणत बविआ कार्यकर्ते आक्रमक झालेत. हॉटेलमध्ये पैसे वाटप सुरू असल्याचा आरोप करत बविआ कार्यकर्त्यांनी गोंधळ घातला. तावडेंकडे डायरी सापडली त्यात काही नाव आणि नंबर्स सापडलेयत. ते कोणाचे कशासाठी हे पाहून महत्वाचं ठरेल.

जेजुरी गडावर एक धक्कादायक घटना घडली आहे. नगरपरिषदेत विजयी झाल्यानंतर राष्ट्रवादी अजित पवार गटाचे नगराध्यक्षपदाचे उमेदवार जयदीप बारभाई यांनी जेजुरी गड गाठला. भंडारा उधळत असताना अचानक स्फोट झाला. जेजुरी गडाच्या कमानीजवळ हा प्रकार घडला. या घटनेत राष्ट्रवादी काँग्रेसचे दोन नगरसेवक गंभीररीत्या भाजले असून जवळपास 20 जण जखमी झाल्याची प्राथमिक माहिती समोर आली आहे.

राज्यात नगरपरिषदा निवडणुकीचे मतदान जोरदार सुरु होते.अंबरनाथमधील कोहोजगावातल्या सभागृहात लोकांनी पहाटे गर्दी केली होती.कारण तिथे बोगस महिला व पुरुष एका बंधिस्त सभागृहात एकत्र थांबले होते.काँग्रेस कार्यकर्त्यांनी प्रतिस्पर्धी पक्षावर बोगस महिला व पुरुष मतदार आणल्याचा आरोप केला आहे.काँग्रेस कार्यकर्त्यांनी निवडणुक अधिकाऱ्यांना चौकशी करायला लावली. संबंधित अधिकाऱ्यांनी जर हे बोगस मतदार असती तर संबंधितांवर पोलिस योग्य ती कारवाई करतील असे सांगितले आहे.

घाटकोपर येथे भाजप आमदार पराग शहा यांनी रिक्षाचालकाच्या कानशिलात लावले.सोबतच त्या रिक्षाचालकाला शिवीगाळ केली होती. असे गैरवर्तन केल्याने पराग शहा यांनी कायदा हातात घेऊ नये असे सामान्य नागरिक म्हणत आहेत.त्यांचा हा व्हिडिओ व्हायरल झाला.

\r\nगडहिंग्लजचे मतदान शेवटच्या टप्प्यावर आले होते. तेव्हा तेथील प्रभाग क्र 3 च्या मतदान केंद्रावर मोठा गोंधळ झाला. महिला मागास प्रवर्गासाठीच्या उमेदवारासाठी हे मतदान होते. राष्ट्रवादी काँग्रेस पक्ष (राष्ट्रीय अध्यक्ष शरदचंद्र पवार) गटाच्या विरोधात इतर सर्व पक्ष एकत्र आले होते. उमेदवार प्रतिनीधी केंद्रात आत जाण्यावरुन हा गोंधळ झाला होता.परंतु पोलिसांनी हस्तक्षेप करत या गोंधळाला नियंत्रणात आणले.

अमरावतीतील नांदगाव पेठमध्ये जुन्या वादावरुन एका तरुणाची हत्या करण्यात आली. या घटनेत 20 ते 25 गुंडांनी दहशत करत 7 ते 8 दुचाकी आणि कारच्या तोडफोड केल्या. इतर लोकांनाही त्यानी जखमी केले. त्यामुळे तेथील लोकं या दहशतीच्या वातावरणाला खूपच घाबरले होते. या घटनेचे सीसीटीव्ही फुटेज पोलिसांना मिळाले.\r\n