TRENDING:
पुणे : आपला परिसर, आपलं शहर स्वच्छ आणि सुंदर असावं ही प्रत्येकाची इच्छा असते. मात्र प्रत्यक्ष कृती करणारे हात फारच कमी असतात. स्वच्छता ही केवळ प्रशासनाची जबाबदारी आहे, असं म्हणत अनेकजण या कामाकडे पाठ फिरवतात. पण समाजात आजही काही जण संत गाडगे बाबा यांच्या विचारांनी प्रेरित होऊन स्वतः झाडू हातात घेतात. पिंपरी चिंचवड येथील 69 वर्षीय यशवंत कण्हेरे हे त्यापैकीच एक. त्यांनी Bajaj Auto कंपनीतून स्वेच्छानिवृत्ती घेतल्यानंतर आपलं उर्वरित आयुष्य स्वच्छता अभियानासाठी समर्पित केलं. निवृत्तीनंतर त्यांनी केवळ पुणे शहरातच नव्हे, तर देशातील विविध ठिकाणी जाऊन स्वच्छता मोहिमा राबवल्या. त्यांच्या या प्रेरणादायी प्रवासाविषयी त्यांनी माहिती दिली आहे.
