TRENDING:
इराणचा संताप, अमेरिकन तळांना लक्ष्य केले
ट्रम्प यांच्या या धमकीनंतर इराणने आक्रमक पवित्रा घेत हल्ले तीव्र केले आहेत. इराणने युएई (UAE), बहरीन आणि कुवेत मधील अमेरिकन लष्करी तळांवर क्षेपणास्त्रे आणि ड्रोनद्वारे मोठा हल्ला चढवला. इराणकडून इस्रायलच्या महत्त्वाच्या ठिकाणांवर हल्ले करणे सुरू आहे. इस्रायलच्या हल्ल्यांना इराण प्रत्युत्तर देत आहे.
रामला आणि होलोन शहरात आग
advertisement
इस्रायली लष्करी रेडिओच्या वृत्तानुसार, इराणने डागलेली अनेक क्षेपणास्त्रे हवेतच नष्ट करण्यात आली. मात्र, या इंटरसेप्टर क्षेपणास्त्रांचे अवशेष मध्य इस्रायलमधील रामला शहरात पडल्याने तिथे भीषण आग लागली. तसेच, तेल अवीवच्या दक्षिणेस असलेल्या होलोन शहरातही आगीच्या घटना समोर आल्या आहेत. सुदैवाने, या घटनांमध्ये अद्याप कोणतीही जीवितहानी झाल्याचे वृत्त नाही.
अमेरिकन लष्कराचे १३ जवान ठार
दरम्यान, अमेरिकेच्या संरक्षण विभागाने इराक मध्ये झालेल्या लष्करी विमान अपघातात मृत्यू झालेल्या ६ सैनिकांची नावे जाहीर केली आहेत. इराणसोबत सुरू असलेल्या या संघर्षात आतापर्यंत अमेरिकेच्या १३ सैनिकांचा मृत्यू झाला असून, सुमारे १४० सैनिक जखमी झाले आहेत. यापैकी ८ सैनिकांची प्रकृती चिंताजनक असल्याचे सांगण्यात येत आहे.