संपूर्ण इराण उद्ध्वस्त करण्याची तयारी, अमेरिका जमिनीवरून हल्ला करणार; डोनाल्ड ट्रम्प यांची शेवटची तंबी

ट्रम्प यांनी त्यांच्या Truth Social या सोशल मीडिया प्लॅटफॉर्मवर लिहिले की, अमेरिका एका नव्या आणि अधिक समजूतदार सत्ताधाऱ्यांशी गंभीर चर्चा करत आहे. ज्यामुळे इराणमधील लष्करी कारवाई संपवता येईल.

त्यांनी पुढे म्हटले की, चर्चेत मोठी प्रगती झाली आहे. पण जर कोणत्याही कारणामुळे करार झाला नाही आणि होर्मुझ सामुद्रधुनी तात्काळ खुली झाली नाही. तर आम्ही इराणमधील सर्व वीज निर्मिती प्रकल्प, तेल विहिरी आणि खार्ग आयलंड (तसेच कदाचित पाणी शुद्धीकरण प्रकल्प) पूर्णपणे उद्ध्वस्त करू. हे आमच्या सैनिकांच्या आणि इतर लोकांच्या मृत्यूचा बदला असेल ज्यांना जुन्या सत्ताधाऱ्यांच्या 47 वर्षांच्या दहशतीच्या कारभारात मारण्यात आले.

advertisement

यापूर्वीही ट्रम्प यांनी सांगितले होते की अमेरिकन लष्कराने इराणमधील अनेक महत्त्वाचे लक्ष्य नष्ट केले असून हा मोठा दिवस असल्याचे त्यांनी म्हटले. त्यांनी असेही संकेत दिले की, तेहरानने युद्ध समाप्तीसाठी अमेरिकेच्या अटी मोठ्या प्रमाणात मान्य केल्या आहेत. मात्र इराणने हे दावे फेटाळले आहेत.

ही घडामोड त्यावेळी समोर आली, जेव्हा ट्रम्प यांनी इराणविरुद्धच्या युद्धामुळे सत्तांतर झाल्याचा दावा केला आणि युद्धबंदी (ceasefire) होण्याची आशा व्यक्त केली. 28 फेब्रुवारी रोजी अमेरिका-इस्रायलच्या हवाई हल्ल्यांनंतर सुरू झालेला पश्चिम आशियातील संघर्ष आता पाचव्या आठवड्यात पोहोचला आहे. इराणनेही प्रत्युत्तरादाखल गल्फ देशांतील अमेरिकन ठिकाणांवर हल्ले केले आहेत.

याआधी ट्रम्प यांनी इराणचे तेल ताब्यात घेण्याची इच्छा व्यक्त केली होती आणि खार्ग आयलंडसारख्या प्रमुख निर्यात केंद्रावर नियंत्रण मिळवण्याचा संकेत दिला होता. त्यांच्याकडे विशेष संरक्षण नाही. आपण ते सहज ताब्यात घेऊ शकतो, असे ते म्हणाले.

दरम्यान अहवालांनुसार अमेरिका इराणमध्ये संभाव्य जमिनीवरील कारवाईसाठी (ground operations) तयारी करत आहे. यामध्ये Strait of Hormuz जवळ कारवाया आणि खार्ग आयलंड ताब्यात घेण्याचा विचार आहे. यामुळे संघर्ष अधिक तीव्र होण्याची शक्यता आहे. इराणनेही कोणत्याही भूप्रवेशाला ठोस प्रत्युत्तर देण्याची तयारी दर्शवली आहे.

US Central Command च्या माहितीनुसार आतापर्यंत 3,500 पेक्षा जास्त अमेरिकन सैनिक तैनात करण्यात आले आहेत. यामध्ये USS Tripoli या युद्धनौकेवर 2,500 मरीन तैनात आहेत जी F-35 आणि Osprey विमान उड्डाणासाठी सक्षम आहे. तसेच 82nd Airborne Division चे सैनिकही हलवण्यात आले असून आणखी 10,000 सैनिक तैनात करण्याचा विचार सुरू आहे.