विद्यार्थ्यांचा अनुभव : Dr. Kalam Innovative School मधील 9 वीच्या वर्गातील विद्यार्थी गैलाणी व्रज म्हणाला, “मी हॉस्टेलमध्ये राहतो. माझे वडील शेतकरी आहेत. शाळेचा वेळ सकाळी 7:30 ते 12:30 आहे. यानंतर दुपारी आम्हाला मोकळा वेळ मिळतो. या वेळेत आम्ही काम करतो आणि त्यातून पैसे कमावतो. शाळेतील 16 विद्यार्थ्यांनी KYC स्टुडिओ तयार केला आहे, ज्यामध्ये लेझर कटिंग मशीन, प्रिंटिंग मशीन वगैरे आहेत. आम्ही या यंत्रांचा वापर करून विविध वस्तू तयार करतो, जसे की महिलांचे पर्स, पुस्तकं, डायरी, शो पीस, मोबाइल स्टँड, मोबाइल किचन इत्यादी. या वस्तू विकून आम्ही शाळेचे शुल्क भरतो आणि कुटुंबाला मदत करतो.”
advertisement
विद्यार्थ्यांचे उत्पन्न : वघेला अश्केश लाखमनभाई हा नववीतील विद्यार्थी सांगतो, “माझे वडील गॅरेज चालवतात. त्यांच्या प्रेरणेने मी Kalam Innovative School च्या KYC समूहात सामील झालो. KYC स्टुडिओमध्ये आम्ही विविध वस्तू तयार करतो आणि विकतो. आतापर्यंत मी 30000 ते 35000 रुपये कमावले आहेत.”
वडिलांनी बाईक विकून फी भरली : Dr. Kalam Innovative School चे संस्थापक जय काठरोतिया म्हणाले, “आम्ही ही शाळा दोन वर्षांपासून चालवत आहोत. गेल्या वर्षी, एका विद्यार्थ्याच्या वडिलांनी 40000 रुपयांचे शाळेचे शुल्क भरण्यासाठी आपली बाईक विकली. हे ऐकून आम्ही खूप दुःखी झालो आणि विचार केला की विद्यार्थ्यांनी कुटुंबाला कशी मदत केली पाहिजे. त्यानंतर आम्ही शाळेत एक स्टार्टअप स्टुडिओ सुरू करण्याचा निर्णय घेतला. या स्टुडिओमध्ये, विद्यार्थ्यांना त्यांच्या अभ्यासानंतर आणि खेळाच्या वेळेत काम करून विविध वस्तू तयार करता येतात.”
विद्यार्थ्यांनी कमावले 6 ते 6 लाख रुपये : जय काठरोतिया यांनी पुढे सांगितले, “आम्ही विविध यंत्रे जसे की लेझर कटिंग, मॅग प्रिंटिंग तयार केली आहेत, जेणेकरून विद्यार्थी या स्टार्टअप स्टुडिओमध्ये काम करू शकतात. दोन विद्यार्थ्यांनी काम सुरू केलं आणि आता 18 विद्यार्थी काम करत आहेत. आम्ही स्टुडिओत तयार केलेल्या वस्तू B2B आणि B2C बाजारात विकतो. गेल्या 6-8 महिन्यांत, विद्यार्थ्यांनी 6 ते 8 लाख रुपये कमावले आहेत.”
भविष्यात अनेक विद्यार्थी होणार उत्तम व्यापारी : ते पुढे म्हणाले, “पालकांबद्दल सहानुभूती आणि विद्यार्थ्यांच्या सर्जनशीलतेचा हा प्रवास यशस्वी ठरला आहे. या स्टार्टअपमुळे अनेक विद्यार्थ्यांना भविष्यकाळात व्यवसाय करण्याची संधी मिळेल आणि ते आपल्या कुटुंबाला आर्थिक संकटातून बाहेर काढू शकतील. विद्यार्थ्यांना लहान वयातच व्यवसाय शिकवला जात आहे आणि सगळे विद्यार्थी पैसे कमवायला शिकत आहेत. 13 ते 15 वर्षे वयाचे विद्यार्थी त्यांच्या कुटुंबाला आर्थिक मदत करत आहेत.” हा अनोखा उपक्रम खूपच प्रेरणादायक आहे आणि त्याच्या माध्यमातून विद्यार्थ्यांना व्यवसायाच्या दिशा दिल्या जात आहेत.
हे ही वाचा : खरंच इथं एलियन्स? अखेर जगातील त्या सर्वात मोठ्या वर्तुळाचं रहस्य उलगडलं
हे ही वाचा : कुणी पादलं तर नाक दाबू नका, बिनधास्त घ्या फार्टच्या गॅसचा वास, संशोधकांनी सांगितला फायदा