पगार 30 कोटी, काम एकदम शुल्लक; तरीही नाही कोणी करायला तयार, असं आहे तरी काय?

ही नोकरी इजिप्तमधल्या एका लाइटहाउसमध्ये आहे. लाइटहाउसवरचं नक्षीकाम कोणाचंही मन जिंकून घेऊ शकतं आणि त्याच्या आजूबाजूचं दृश्यही जणू स्वर्गाप्रमाणे सुंदर आहे. विशेषतः साहसप्रेमींसाठी हे सर्वोत्तम ठिकाण ठरू शकतं. तरीदेखील तिथे नोकरी करण्यासाठी कोणीही तयार होत नाही. सध्या सोशल मीडियावर या लाइटहाउसचा एक व्हिडिओ व्हायरल होत आहे. तो पाहिल्यानंतर सर्वांचेच धाबे दणाणले आहेत.

advertisement

हे लाइटहाउस इजिप्तमधल्या फॅरोस बेटावर आहे. तिथल्या अलेक्झांड्रिया किनाऱ्यावर एक सुंदर लाइटहाउस आहे. त्याला 'फॅरोस ऑफ अलेक्झांड्रिया' असंही म्हणतात. प्राचीन काळी कॅप्टन मोरेशियस या फॅरोसजवळ एका समुद्री वादळात अडकले होते. अंधारामुळे त्यांची बोट खडकाकडे वळवली गेली.

बोट खडकावर आदळून उलटली आणि अनेकांचा मृत्यू झाला होता. अशी दुर्घटना पुन्हा घडू नये म्हणून इजिप्तच्या तत्कालीन सम्राटाने एका वास्तुविशारदाला बोलावून अलेक्झांड्रियाच्या किनाऱ्यावर लाइटहाउस बांधण्याचा आदेश दिला.

हे लाइटहाउस कित्येक शतकांपासून जहाजांचं धोकादायक खडकांपासून संरक्षण करत आहे; पण तिथे राहणाऱ्या व्यक्तीला सतत मृत्यूचा धोका असतो. समुद्राच्या उंच लाटा कधीकधी या लाइटहाउसवर आदळतात. विशेषतः जेव्हा समुद्रात त्सुनामी येते, तेव्हा ते पूर्णपणे बुडतं. त्यामुळेच या ठिकाणी एक रात्र राहणंही धोकादायक मानलं जातं. फॅरोस ऑफ अलेक्झांड्रिया इथे काम करणं म्हणजे जीव धोक्यात घालण्यासारखं आहे. हे जगातलं सर्वांत कठीण काम असल्याचं म्हटलं जातं. तिथे काम करणाऱ्या व्यक्तीला वार्षिक 30 कोटी रुपये दिले जातात; मात्र त्या व्यक्तीने तिथे एकटं राहणं अपेक्षित आहे.