TRENDING:
तेलाशिवाय वडे कसे बनवयाचे? शक्यच नाही. असं तुम्ही म्हणाल. पण एका महिलेने तेलाशिवाय वडे बनवून दाखवले आहेत. तिने या जबरदस्त असा किचन जुगाडचा व्हिडीओ सोशल मीडियावर पोस्ट केला आहे जो तुफान व्हायरल होतो आहे. आता बिना तेलाचे वडे बनवायचे कसे? हे पाहण्याची उत्सुकता तुम्हालाही असेल.
सगळ्यात आधी वड्याचं पीठ मळून घ्या. आता वड्यासाठी करतो तसा गोळा करून घ्या. हा गोळा प्लॅस्टिक पिशवीवर ठेवा त्यावर दुसरी प्लॅस्टिक पिशवी ठेवून एका छोट्या प्लेटने त्यावर हलका दाब द्या. म्हणजे गोळ्याचा गोल वडा तयार होईल, हा तुमचा वडा तयार झाला.
advertisement
Kitchen Jugaad Video : फ्रिजमध्ये मीठ ठेवताच चमत्कार, हजारो रुपये वाचतील
आता इथं तुम्हाला कढई नाही तर नॉनस्टिक पॅन घ्यायचा आहे. पॅन गॅसवर थोडा गरम करा. तेल बिलकुल लावायचं नाही आहे. पॅन गरम झाला की त्यावर हा तयार केलेला वडा टाका. एका बाजूने थोडा शेकला की थोड्या वेळाने तो पलटा. तपाती फिरवतो तसा हा वडा हाताने गोलगोल फिरवा. दोन्ही बाजू थोड्या शेकल्या की पुन्हा पलटून घ्या. तुम्ही पाहाल तर काहीही न करता वडा अगदी टम्म फुगतो.
आता तुम्ही म्हणाल असं एकएक किती वडे करणार. तर महिलेने व्हिडीओत सांगितल्यानुसार तिने हा एक वडा फक्त दाखवण्यापुरता केला आहे. तुमचा पॅन किती मोठा आहे, त्यावर एकाच वेळी किती वडे होतील हे अवलंबून आहे.
Kitchen Jugaad Video : फक्त एक चमचा साखर आणि काळाकुट्ट तवा 5 मिनिटात साफ
@kokanikarname या इन्स्टाग्राम अकाऊंटवर हा व्हिडीओ पोस्ट करण्यात आला आहे. या जुगाडामुळे तेलाची बचत होईल आणि हेल्दीही आहे, असं सांगण्यात आलं आहे.
पाण्यात तळलेल्या पुऱ्या
याआधी पाण्यात तळलेल्या पुऱ्यांचाही व्हिडीओ व्हायरल झाला होता. एका शेफन तेलाशिवाय पुऱ्या कशा बनवायच्या हे दाखवलं आहे.अजय रेसिपीज या युट्यूब चॅनेलवर पाण्यात तळलेल्या या पुऱ्यांची रेसिपी दाखवण्यात आली आहे.
सर्वात आधी एका भांड्यात गव्हाचं मीठ घ्या. त्यात चवीनुसार मीठ टाका. थोडासा ओवा टाका. आता त्यात एक चमचाभर दही टाका. आपण या पुऱ्यात एक थेंबही तेल वापरणार नाही. त्यामुळे पीठ मळताना तेलाऐवजी दह्याचा वापर करा. जेणेकरून पुऱ्या नरम होतील. पीठ मळून त्याचे छोटे छोटे गोळे तयार करा आणि पुऱ्या लाटून घ्या.
आता गॅसवर एका कढईत पाणी गरम करायला ठेवा. पाणी बुडबुडे येईपर्यंत उकळून घ्या. या उकळत्या पाण्यात पुरी टाका. जशा तेलात पुरी तळतो तशा पाण्यात तळून घ्या. दोन्ही बाजूने नीट शेकवून घ्या. पुऱ्या थोड्या प्रमाणात फुलतात आणि काही वेळाने पाण्यावर तरंगू लागतात. त्यावेळी या पुऱ्या बाहेर काढा. तुम्ही नीट पाहिलं तर पुऱ्यांचा रंग तेलात तळल्यावर बदलतो तसा बदलेला नाही. त्यामुळे या पुऱ्या तुम्ही आता खाऊ शकत नाही. आता तुम्हाला लागणार ते एअर फ्रायर. पाण्यात तळलेल्या या पुऱ्या एअर फ्रायमध्ये टाका. तुम्ही आता पाहाल तर पुऱ्या तेलात तळतो तशा फुलल्या आहेत. त्यावर तेल बिलकुल नाही. आता तुम्ही या पुऱ्या खाऊ शकता.