रक्षाबंधनला कुकरमध्ये नारळ ठेवणं हा काय जुगाड आहे, असं तुम्हाला वाटत असेल पण याचा फायदा पाहाल तर तुम्ही हे नक्की कराल. आता प्रेशर कुकर घेऊन त्यात नारळ ठेवा 2 ग्लास पाणी टाका. कुकरचं झाकण बंद करून गॅसवर ठेवून 3 शिट्ट्या काढून घ्या.
Kitchen Jugaad Video : सणासुदीला पुऱ्यांचा बेत, तेल नाही तर पाण्यातच कशा तळायच्या पाहा
advertisement
कुकर थंड झाला की त्याचं झाकण उघडा. आतील नारळ गरम असतील तर ते थंड होऊ द्या. आता नारळावर ठोकता येईल अशी जड वस्तू घ्या. नारळावर सर्व बाजूने ठोका. थोड्या वेळाने तुम्हाला नारळाच्या वरचं कवच निघताना दिसेल आणि तुम्हाला अख्खा नारळ मिळेल. त्यावर थोडंफार काळा भाग राहिला असेल तो सुरीने खरवडून काढता येईल.
आता या नारळाला मध्यभागी सुरीने चीर देऊन त्यातील पाणी काढून घ्या. मग तो मध्यभागी कापून त्याचे दोन तुकडे करा. सुरीने त्याचे पातळ काप कापून घ्या आणि मिक्सरमध्ये टाकून वाटून घ्या. हा नारळ न खवता नारळाचा किस तयार झाला.
Kitchen Jugaad Video : वापरलेली फुलं कचऱ्यात फेकू नका, गरम तव्यावर टाका, मोठा फायदा
नारळीपौर्णिमा म्हणजे नारळभात आणि नारळापासून वेगवेगळे पदार्थ बनवणं आलंच. यासाठी नारळाचा किस लागतो. असा झटपट तुम्ही नारळाचा किस बनवू शकता. रक्षाबंधनला याच नारळाच्या किसापासून भावाला ओवाळणीनंतर भरवण्यासाठी गोड मिठाईही तुम्ही बनवू शकता.
@devdarshankitchanvlogs4669 यूट्यूब चॅनेलवर हा व्हिडिओ पोस्ट करण्यात आला आहे.
(सूचना : हा लेख व्हायरल व्हिडिओवर आधारित आहे. न्यूज18 मराठी याची हमी देत नाही. कृपया हे करताना आवश्यक ती काळजी किंवा तज्ज्ञांचा सल्ला जरूर घ्यावा. काही विपरित घडल्यास, नुकसान झाल्यास न्यूज18 मराठी जबाबदार नाही.)