4 वर्षांची असताना आले Periods, 5 व्या वर्षीच बनली आई; जगातील सर्वात कमी वयाची ‘मॉम’; हे कसं शक्य?

1939 साली घडलेली ही घटना आजही जगातील सर्वात मोठ्या मेडिकल मिस्ट्रीपैकी एक मानली जाते. इंडिया टुडेच्या अहवालानुसार, केवळ 5 वर्षांच्या वयात लीना मेदीना नावाच्या एका मुलीने निरोगी मुलाला जन्म दिला होता. त्या काळीच काय तर तर, आजही हे सत्य ऐकून लोक थक्क होतात.

लीनाचा पोट असामान्यरीत्या फुगू लागलं तेव्हा कुटुंबाला वाटलं कदाचित ट्यूमर असेल. तिची तपासणी करण्यासाठी तिला पेरूच्या पिस्को शहरातील डॉक्टरांकडे नेलं. पण तपासणीचे निष्कर्ष ऐकताच कुटुंब आणि डॉक्टर दोघेही अवाक झाले ती मुलगी 8 महिन्यांची गर्भवती होती.

advertisement

इतक्या कमी वयात गर्भधारणा? अशक्य वाटणारं हे सत्य मेडिकल डॉक्युमेंट्स, एक्स-रे आणि रेकॉर्ड्सनी सिद्ध केलं.

डॉक्टरांच्या म्हणण्यानुसार, लीनाला Precocious Puberty नावाची अतिशय दुर्मिळ वैद्यकीय स्थिती होती. यात मुलींमध्ये 8 वर्षांपूर्वीच प्रौढत्वाची शारीरिक चिन्हे दिसू लागतात.

यामध्ये हार्मोन्स जलद सक्रिय होणे, शरीराचा वेगाने विकास होणे, प्रजनन क्षमता लवकर तयार होणे अशी लक्षणं या स्थितीत दिसतात. सुमारे 10,000 पैकी फक्त 1 मुलात ही अवस्था आढळते.

लीनाचं शरीर सामान्य प्रसूतीसाठी अजिबात तयार नव्हतं, त्यामुळे डॉक्टरांनी तिचा सी-सेक्शन केला आणि जगाने सर्वात कमी वयाच्या मातेला पाहिलं. बाळाच्या वडिलांची ओळख मात्र कधीच समोर आली नाही. लीना कशी आणि कोणामुळे प्रेग्नेन्ट राहिली हे तिच्या घरच्यांनाही कळू शकलेलं नाही.

ही घटना जगभरात गाजली, पण लीना मात्र प्रकाशझोतात यायला तयार नव्हती. अनेक मोठे ऑफर्स, कार्यक्रम, मुलाखती सगळं तिनं नाकारलं. तिने आपलं आयुष्य अत्यंत साधेपणाने जगलं, आपल्या मुलाचं संगोपन मनापासून केलं.

आजही डॉक्टर आणि संशोधक या प्रकरणाचा अभ्यास करतात. इतक्या लहान वयात आई बनण्यामागचं कारण, शरीराने हे कसं स्वीकारलं. हे सगळं अजूनही कोडंच आहे.

इतिहासात अशी आणखी काही आश्चर्यकारक प्रकरणं नोंदलेल्या आहेत:

येलिझावेता (रशिया) इथे 6 वर्षांच्या वयात बाळाला जन्म दिला, पण ही चिमुकली जिवंत राहिली नाही.

मम-झी (नायजेरिया) ही 8 वर्षे 4 महिन्यांची असताना आई बनली. तिच्या मुलानेही लहान वयातच संतानास जन्म दिला आणि त्यामुळे मम-झी जगातील सर्वात कमी वयाची आजी ठरली.