कुवेतमधील एका भीषण कार अपघाताचा एक व्हिडिओ व्हायरल झाला आहे. या अपघातात कारचालक मात्र चमत्कारिकरित्या बचावला आहे. मुबारक अल-कबीर गव्हर्नरेटमध्ये गेल्या शनिवारी ही घटना घडल्याचं वृत्त आहे. चालक अतिशय वेगात गाडी चालवत असताना कारवरील नियंत्रण सुटल्याचं व्हिडिओत दिसत आहे. त्यानंतर गाडी हवेत उडून अनेक वेळा पलटी होते आणि मग कोसळते. हा अपघात एवढा भीषण होता की गाडी हवेत उडताच चालकही उडून गाडीच्या बाहेर पडला. हे संपूर्ण दृश्य कॅमेऱ्यात कैद झालं आहे. सुदैवाने इतका भीषण अपघात होऊनही चालकाला गंभीर दुखापत झालेली नाही.
advertisement
व्हिडिओमध्ये दिसतं, की या अपघातानंतर तो उठून तिथून दूर जातो. मीडिया रिपोर्ट्सनुसार, घटनास्थळी पोहोचल्यानंतर अधिकाऱ्यांना हे वाहन समुद्रकिनारी पलटी झाल्याचं दिसलं. यानंतर अग्निशमन दलाला माहिती देण्यात आली. सध्या हे वाहन जप्त करण्यात आलं असून 34 वर्षीय चालकावर कारवाई करण्यात येत आहे. या अपघातात चालक बचावल्याचं अधिकाऱ्यांनी सांगितलं. @Kapyoseiin नावाच्या यूजरने X वर हा व्हिडिओ शेअर केला आहे.
एकाने कमेंट केली की, त्याने सेफ्टी बेल्टही घातला नव्हता. हे तर एखाद्या मुलाला खेळण्यासाठी चाकू देण्यासारखं आहे. तर इतरांचं म्हणणं आहे की, आता हा माणूस आपला वाढदिवस दोनदा साजरा करणार आहे, कारण हा त्याला मिळालेला दुसरा जन्मच आहे. दुसऱ्या वापरकर्त्याने कमेंट केली की, जगात वेड्या लोकांची अजिबात कमतरता नाही. इतरही अनेकांनी यावर निरनिराळ्या कमेंट केल्या आहेत.