आजच्या समान्यात ऋषींसारखी तपस्या शक्य नाही. पण काही लोक काही मिनिटासाठी ध्यानधारणा करतात. पण घरात, बाल्कनीत, एखादं गार्डन असं ठिकाण असतं. पण ही व्यक्ती चक्क ऋषींसारखी तपस्येला बसली आहे. तीसुद्धा कोणता डोंगर, जंगल किंवा पाणी नाही तर अशा ठिकाणी की कुणी स्वप्नातही विचार केला नसेल.
अर्रर्रर्र! तीर्थ म्हणून अख्ख्या ऑफिसमध्ये दिला लिंबू रस, नंतर काय घडलं? तुम्हीच पाहा VIDEO
advertisement
त्यात शहराच्या मध्यभागी असलेल्या फूट ओव्हर ब्रिजच्या छतावर एक माणूस बसून ध्यान करताना दिसत आहे. खाली वाहने धावत आहेत, हॉर्न वाजत आहेत, लोक येत-जात आहेत आणि वर, हा माणूस डोळे मिटून ध्यानात मग्न आहे. इतक्या उंचीवर आणि इतक्या गर्दीतही एखाद्याला शांती मिळू शकते यावर विश्वास ठेवणे कठीण आहे.
व्हिडीओत तुम्ही पाहाल गाड्यांची वर्दळ पाहता हा एखाद्या शहरातील व्हिडीओ आहे असं दिसतं. सुरुवातीला कॅमेरा रस्त्यावरील गाड्यांकडे असतो. नंतर तो समोर असलेल्या फूटओव्हर ब्रीजकडे जातो. कॅमेरा झुम होतो आणि त्या फूटओव्हर ब्रीजच्या छतावर एक व्यक्ती अर्धनग्न अवस्थेत तपस्या करताना दिसते. व्यक्तीने फक्त कमरेखाली भगव्या रंगाचं कापड घातलं आहे. अगदी ऋषींसारखा तो ध्यान करायला बसला आहे.
कदाचित एखाद्या साधू किंवा संन्यासाने ही तपस्या पाहिली तर तोसुद्धा घाबरले. व्हिडीओ पाहून लोक थक्क झाले आहेत. कुणी याला मॉडर्न योगी म्हटलं, कुणी छतगुरू तर कुणी फुटओव्हर ब्रीज बाबा. कुणी कमेंट केली की 'भावाचं ध्यान हाय लेव्हलवर आहे. तर कुणी म्हटलं, 'जेव्हा तुम्हाला ट्रॅफिकचा कंटाळा येतो तेव्हा पुलाच्या छतावर ध्यान करा.'
binusinghrajput36 इन्स्टाग्राम अकाऊंटवर हा व्हिडीओ पोस्ट करण्यात आला आहे. काही लोक याला विनोद म्हणून घेत आहेत, तर काही जण ते गांभीर्याने घेत आहेत. आजच्या धावपळीच्या जीवनात, लोक शांती शोधण्यासाठी डोंगरावर किंवा आश्रमात जातात, पण या माणसाने शहराच्या गोंगाटातही शांती मिळवली आहे.