Most Expensive Watch : जगातील सर्वात महागड घड्याळाची किंमत माहितीय का? इतक्या पैशात मुंबईत येतील 200 पेक्षा जास्त फ्लॅट्स

1 करोड? 2 करोड? 5 करोड?... थांबा तुम्ही त्या किंमती पासून खूपच लांब आहात. कारण जगातील सर्वात महागडं घड्याळ इतकं महाग आहे की त्याच्या किंमतीत मुंबईसारख्या शहरात तुम्ही 200 ते 250 लक्जरी फ्लॅट विकत घेऊ शकता. हो हे खरं आहे. चला या घड्याळाची किंमत आणि नाव जाणून घेऊ.

2014 मध्ये, लंडनस्थित ज्वेलरी कंपनी ग्राफ डायमंड्सने बेसवर्ल्डमध्ये आपले एक घड्याळ सादर केले. जे अत्यंत मौल्यवान आहे.

advertisement

सर्वात महागड्या घड्याळाची किंमत किती?

लक्झरी घड्याळे हे केवळ वेळ सांगण्याचे साधन नाही. ही कला, वारसा आणि उत्कृष्ट कारागिरी यांचा संगम आहे. हे सामान्य वस्तूंप्रमाणे बाजारात विकले जात नाहीत. ही सुंदर घड्याळे कौटुंबिक वारसा आहेत. त्यांच्या कथा त्यांचे मूल्य वाढवतात. 2014 मध्ये, लंडनस्थित ज्वेलरी कंपनी ग्राफ डायमंड्सने बेसवर्ल्डमध्ये आपले एक घड्याळ सादर केले. हे आश्चर्यकारक घड्याळ कंपनीचे संस्थापक लॉरेन्स ग्राफ यांनी डिझाइन केले होते.

सुमारे 110 कॅरेट किमतीचे दुर्मिळ रंगीत हिरे जडलेले आहेत. 30 डिझायनर, रत्नशास्त्रज्ञ आणि कारागीरांनी ते तयार करण्यासाठी चार वर्षांहून अधिक काळ घेतला. त्याची किंमत सुमारे 456 कोटी रुपये ($55 दशलक्ष) आहे. हे जगातील सर्वात महागडे घड्याळ आहे.

एका वर्षानंतर, ग्राफ डायमंड्सने द फॅसिनेशन घड्याळ सादर केले. हे घड्याळ अंगठीही बनू शकते. त्यात 152.96 कॅरेटचा पांढरा हिरा आणि मध्यभागी 38.13 कॅरेटचा नाशपाती आकाराचा हिरा आहे. त्याची किंमत जवळपास 331 कोटी रुपये आहे. हे जगातील दुसरे सर्वात महागडे घड्याळ आहे.

प्रिन्सेस डायनाच्या कार्टियर टँक फ्रँकेइस घड्याळाची किंमत

आधुनिक घड्याळांव्यतिरिक्त, जुन्या घड्याळांचा देखील स्वतःचा इतिहास आहे. प्रिन्सेस डायनाचे कार्टियर टँक फ्रॅन्काइझ घड्याळ तिचा मुलगा प्रिन्स हॅरीला देण्यात आले. नंतर प्रिन्स हॅरीने मेघन मार्कलला हे घड्याळ भेट दिले. अभिनेता पॉल न्यूमनचे रोलेक्स पॉल न्यूमन डेटोना घड्याळ 2017 मध्ये सुमारे 140 कोटी रुपयांना लिलाव करण्यात आले होते.