आज संकष्टी चतुर्थी! 5 राशींचे नशीब बदलणार,संकटे दूर होणार, श्रीमंती येणार

मुंबई : गणेशोत्सवाचा उत्साह ओसरल्यानंतर आता भाद्रपद महिन्यातील एक विशेष पर्व समोर आले आहे. आज (10 सप्टेंबर) रोजी ‘विघ्नराज संकष्टी चतुर्थी’ साजरी होणार आहे. अनंत चतुर्दशीला बाप्पाचे विसर्जन झाल्यानंतर येणारी ही पहिलीच संकष्टी असल्याने तिला विशेष धार्मिक महत्त्व आहे. गणेश भक्तांसाठी हा दिवस संकटांचा नाश करणारा आणि सुख-समृद्धी वाढविणारा मानला जातो. ज्योतिषशास्त्रानुसार, यंदाची विघ्नराज संकष्टी पितृपक्षात आल्याने ती अधिक फलदायी ठरणार आहे. या दिवशी काही ग्रहांचे विशेष संक्रमण होणार असून त्यातून शुभ योग निर्माण होतील. त्यामुळे काही राशींवर गणेशजींचे आशीर्वाद विशेष स्वरूपात राहतील, ज्याचा लाभ नोकरी, व्यवसाय, वैवाहिक जीवन आणि आरोग्य अशा सर्व क्षेत्रांत मिळेल.