2026 योगायोगाचं, परिवर्तनाचं; 12 राशींसाठी नवं वर्ष कसं असेल, नातेसंबंधांपासून ते आरोग्यापर्यंत ज्योतिषाचार्यांनी सर्वचं सांगितलं!

Horoscope 2026 : एका वृत्तपत्राला दिलेल्या मुलाखतीत, उज्जैन येथील ज्योतिषाचार्य, पं. मनीष शर्मा यांनी 2026 हे वर्ष बाराही राशींसाठी कसे असणार आहे आणि दुर्मिळ योग ग्रहांच्या स्थितीबद्दल माहिती दिली आहे. वर्ष 2026 ची सुरुवात आणि शेवट ही गुरुवारने होत आहे. हिंदू नववर्ष देखील 19 मार्च 2026 रोजी गुरुवारपासूनच सुरू होईल. या वर्षी गुरु राजा आणि मंगळ मंत्री असतील. या दोघांच्या मैत्रीमुळे हे वर्ष गेल्या वर्षाच्या तुलनेत अधिक मजबूत, सकारात्मक बदल घडवणारे आणि फायदेशीर मानले जात आहे. या वर्षात दोन सूर्यग्रहणे आणि एक चंद्रग्रहण होईल. यापैकी केवळ 3 मार्च रोजी होणारे चंद्रग्रहण भारतात दिसेल. हे सिंह राशीत असेल आणि होळीच्या दिवशी असेल. ज्योतिषशास्त्रानुसार, या वर्षी गेल्या वर्षासारख्या धक्कादायक किंवा अनपेक्षित घटनांची शक्यता कमी आहे. 17 मे ते 15 जून 2026 या काळात ज्येष्ठ अधिक मास असेल. गुरु 2 जूनपासून नोव्हेंबरपर्यंत आपल्या उच्च राशीत राहतील आणि या काळात दोनदा राशी परिवर्तन करतील. शनि पूर्ण वर्षभर मीन राशीत राहतील, तर राहू-केतू मकर आणि कर्क राशीत प्रवेश करतील.