वर्षाचा शेवटचा दिवस! या 7 राशींसाठी ठरणार कसोटीचा, कोणत्या राशींनी काय काळजी घ्यावी?

Published by:Ajit Bhabad

Last Updated:Dec 31, 2025 6:43 AM IST

Astrology News : वैदिक पंचांगानुसार आज बुधवार, 31 डिसेंबर 2025. वर्षाच्या अखेरच्या टप्प्यात पोहोचताना ग्रह-नक्षत्रांच्या हालचाली विशेष महत्त्वाच्या मानल्या जात आहेत.

मुंबई : वैदिक पंचांगानुसार आज बुधवार, 31 डिसेंबर 2025. वर्षाच्या अखेरच्या टप्प्यात पोहोचताना ग्रह-नक्षत्रांच्या हालचाली विशेष महत्त्वाच्या मानल्या जात आहेत. 2025 ला निरोप देताना आजचा दिवस अनेक राशींसाठी निर्णायक ठरू शकतो. आज काही दुर्मीळ ग्रहयोग जुळून येत असल्याने त्याचा परिणाम सर्वच 12 राशींवर कमी-अधिक प्रमाणात जाणवेल. कामकाज, आर्थिक व्यवहार, कौटुंबिक नातेसंबंध आणि मानसिक स्थिती याबाबत आजचा दिवस वेगवेगळे संकेत देणारा आहे. भगवान शंकराच्या कृपेने तुमच्यासाठी आजचा दिवस कसा असेल, कोणाला लाभ तर कोणाला सावधगिरीची गरज आहे, ते पाहूया आजचे सविस्तर राशीभविष्य.

मेष

आज मेष राशीच्या व्यक्तींनी व्यवहार करताना डोळसपणा ठेवणे गरजेचे आहे. कोणत्याही अफवा किंवा अंधविश्वासावर विश्वास ठेवून आर्थिक निर्णय घेऊ नयेत. अचानक खर्च वाढण्याची शक्यता असून अनावश्यक मोह टाळल्यास दिवस संतुलित जाईल. संयम ठेवल्यास कामात यश मिळू शकते.

वृषभ

आज वृषभ राशीच्या लोकांमध्ये आळशीपणाची भावना वाढू शकते. काम पुढे ढकलण्याची सवय नुकसानकारक ठरू शकते. जबाबदाऱ्या टाळल्यास वरिष्ठ किंवा कुटुंबीय नाराज होऊ शकतात. थोडे जरी प्रयत्न वाढवले, तरी अडकलेली कामे मार्गी लागतील.

मिथुन

घरात आज आनंदी वातावरण राहील. कुटुंबीयांसोबत वेळ घालवण्याची संधी मिळेल. मात्र आनंदासाठी कर्ज किंवा उधारी घेऊन खर्च करू नका. आर्थिक शिस्त पाळल्यास पुढील काळात दिलासा मिळेल. संवादातून गैरसमज दूर होतील.

कर्क

आज निर्णय घेण्यात कर्क राशीच्या लोकांना अडचण येऊ शकते. घरगुती तसेच व्यावसायिक बाबतीत संभ्रम वाढेल. घाईघाईने निर्णय न घेता अनुभवी व्यक्तींचा सल्ला घ्यावा. संयम ठेवल्यास दिवस सुरळीत जाईल.

सिंह

सिंह राशीच्या व्यक्ती आज सर्जनशील कामांकडे आकर्षित होतील. कला, लेखन, निर्मिती क्षेत्रात नवे प्रयोग करण्याची इच्छा निर्माण होईल. मात्र एकाच गोष्टीवर लक्ष केंद्रित न केल्यास काम अर्धवट राहण्याची शक्यता आहे.

कन्या

आज अचानक निर्णय घेण्याची प्रवृत्ती वाढेल. इतरांना न पटणारे निर्णय घेतल्यामुळे वाद उद्भवू शकतात. विद्यार्थ्यांना अभ्यासात मन रमत नाही. लक्ष विचलित होणार असल्याने नियोजनपूर्वक अभ्यास करणे आवश्यक आहे.

तूळ

कामाचा ताण आज तुला राशीच्या लोकांना जाणवेल. नोकरी किंवा व्यवसायात अतिरिक्त मेहनत घ्यावी लागेल. शारीरिक थकवा वाढू शकतो, त्यामुळे आरोग्याकडे दुर्लक्ष करू नका. वेळेवर विश्रांती घ्या.

वृश्चिक

आज वृश्चिक राशीच्या लोकांना आर्थिक बाबतीत चांगली बातमी मिळू शकते. अडकलेले पैसे परत मिळण्याची शक्यता आहे. मात्र भावनांवर नियंत्रण ठेवणे गरजेचे आहे, अन्यथा नात्यांमध्ये तणाव निर्माण होऊ शकतो.

धनु

धनु राशीच्या व्यक्तींना आज प्रवासाचे योग दिसून येतात. नवीन ओळखी लाभदायक ठरू शकतात. कामाच्या निमित्ताने संधी मिळेल, पण शब्द जपून वापरणे आवश्यक आहे.

मकर

आज मकर राशीच्या लोकांसाठी जबाबदाऱ्यांचा दिवस आहे. कामात स्थिरता राहील, मात्र अपेक्षेइतके फळ मिळण्यास थोडा विलंब होऊ शकतो. संयम आणि सातत्य ठेवल्यास यश नक्की मिळेल.

कुंभ

कुंभ राशीच्या व्यक्तींना आज नव्या कल्पना सुचतील. मित्रमंडळींचे सहकार्य लाभेल. आर्थिक बाबतीत विचारपूर्वक पावले उचलल्यास फायदा होईल. तंत्रज्ञानाशी संबंधित कामात प्रगती दिसेल.

मीन

आज मीन राशीच्या लोकांसाठी भावनिक दिवस ठरू शकतो. जुने विषय पुन्हा समोर येतील. आत्मचिंतन केल्यास योग्य मार्ग सापडेल. अध्यात्माकडे ओढ वाढेल आणि मानसिक शांतता मिळेल.

एकूणच, वर्षाच्या शेवटच्या दिवशी ग्रहस्थिती प्रत्येक राशीला वेगळे संकेत देत आहे. संयम, सकारात्मक विचार आणि योग्य निर्णय यामुळे आजचा दिवस अधिक फलदायी ठरू शकतो.

(सदर बातमी फक्त माहितीकरिता असून न्यूज 18 मराठी कुठलाही दावा करत नाही)

view comments