Nidra Devi: निद्रादेवी विषयी अजून तुम्हाला माहीत नाही? झोपताना एक काम, टेन्शनमध्येही लागते शांत झोप

मुंबई : पूर्वीच्या काळी लोक किती निवांत होते, गप्पा-गोष्टी करायला लोकांकडे वेळ असायचा, पण सध्याच्या काळात मोकळा वेळ नाही आणि त्यामुळे गप्पा-गोष्टी तर दूरच आणि झाल्या तरी ऑनलाईन. सध्याच्या प्रचंड धावपळीच्या आयुष्यात शांत झोप लागणारा माणूस सुखी म्हणावा, अशी स्थिती आहे. हिंदू शास्त्रांमध्ये झोप ही केवळ शरीराची एक अवस्था नसून, ती एका साक्षात देवीचं स्वरूप मानली गेली आहे. शास्त्रांनुसार झोपेचा संबंध निद्रा देवीशी आहे. निद्रा देवी हे नाव आपल्या सर्वांच्या परिचयाचं असलं, तरी त्या नक्की कोण आहेत याबद्दल अनेकांना माहिती नसते. निद्रा देवीच्या कृपेनेच माणसाला सुखाची झोप लागते, असे मानले जाते. म्हणूनच जाणकार झोपण्यापूर्वी निद्रा देवीचं स्मरण करण्याचा सल्ला देतात. निद्रा देवी कोण आहेत आणि शांत झोपेसाठी कोणत्या मंत्राचा उच्चार करावा, याबद्दलची सविस्तर माहिती समजून घेऊ.