Numerology: कोणालाही सल्ला देताना जरा जपून! 5,14 आणि 23 तारखेला जन्माला आलेल्या व्यक्तींसाठी कसं असेल नवं वर्ष

कोल्हापूर : आपल्या आयुष्यात अंकांना फार मोठे महत्त्व दिले गेले आहे. अंकशास्त्रात तुमच्या जन्मतारखेवरून तुमचं भविष्य वर्तवलं जातं. आता अनेकांना येणारं नवीन वर्ष 2025 हे आपल्या मूलांकासाठी कसं असणार हे जाणून घ्यायचं असतं. ज्या व्यक्तींची जन्मतारीख 5, 14 आणि 23 असते त्या व्यक्तींचा मुलांक हा 5 असतो. बुधाचा विशेष प्रभाव असणाऱ्या अंकासाठी येणार नव वर्ष कसं जाणार? याविषयीच कोल्हापूर येथील ज्योतिषशास्त्री राहुल कदम यांनी माहिती सांगितली आहे.

एखाद्या व्यक्तिमत्वाकडे ज्यावेळी आपण आकर्षित व्हाल, त्यावेळी त्याच्या बुद्धी चातुर्यावरती आपण आकर्षित व्हाल. मात्र यावर्षी नवीन व्यक्तींबरोबर संबंध जुळवत असताना आपण काळजी घेणे फार आवश्यक आहे. कारण आपण केलेली निवड चुकण्याची शक्यता नाकारता येत नाही.

त्यामुळे आपणास मानसिक त्रास होऊ शकतो. मानसिकदृष्ट्या संवेदनशील असल्याकारणाने मानसिक त्रास कसा कमी होईल ? याकडे लक्ष देणे फार गरजेचे आहे. आपणास निद्रानाश किंवा चक्कर येणे, अशा गोष्टींचा त्रास ह्या वर्षी अधिक प्रमाणात जाणवू शकतो. तसेच पित्ताशी संबंधित आजार देखील यावर्षी वाढू शकतात. त्या कारणाने अति विचार करणे आणि अति जागरण करणे टाळावे. यासोबतच चटपटीत पदार्थ तेलकट आणि मसालेदार पदार्थ खाण्यावर देखील नियंत्रण ठेवणे आवश्यक आहे. याव्यतिरिक्त ज्या व्यक्ती वारंवार सह्या करतात किंवा ज्या व्यक्तींकडे सह्या करण्याचा अधिकार आहे अशा व्यक्तींनी यावर्षी फार जपून राहिले पाहिजे कारण आपल्या सहीचा दुरुपयोग होऊन आपल्यासाठी ते त्रासदाय होऊ शकते. त्यामुळे सही करीत असताना कोणते कागदपत्र व्यवस्थित पाहिल्याशिवाय त्या कागदपत्रांवरती सही करू नये, असं ज्योतिषशास्त्री राहुल कदम सांगतात.