Shravan 2025: श्रावण शुक्रवारी चुकवू नका या गोष्टी; घराच्या सुख-समृद्धी-संततीशी आहे थेट संबंध

श्रावण महिना हा केवळ भगवान शंकरासाठीच नाही, तर देवी लक्ष्मीच्या उपासनेसाठीही महत्त्वाचा मानला जातो. प्रत्येक शुक्रवारी देवी लक्ष्मीचे पूजन केले जाते. विवाहित महिला आपल्या कुटुंबाच्या सुख-समृद्धीसाठी आणि अखंड सौभाग्यासाठी देवी लक्ष्मीची पूजा करतात. श्रावण महिन्यातील शेवटच्या शुक्रवारी वरदलक्ष्मी व्रताचे विशेष महत्त्व आहे. या दिवशी वरदलक्ष्मी देवीची पूजा केली जाते. या व्रतामुळे धन, समृद्धी आणि ऐश्वर्य प्राप्त होते, अशी धार्मिक श्रद्धा आहे. या दिवशी सुवासिनी महिला देवीची ओटी भरतात. नऊवारी साडी, खण, नारळ, हळद-कुंकू, आणि सौभाग्याच्या वस्तू ओटीमध्ये ठेवतात.