डेली अप-डाउनसाठी कोणती 125cc बाईक बेस्ट? येथे पाहा पूर्ण लिस्ट 

या लिस्टमध्ये पहिली बाईक टीव्हीएस रेडर आहे. जी स्पोर्टी डिझाइनसह आधुनिक फीचर्सना प्राधान्य देणाऱ्यांसाठी आहे. टीव्हीएस रेडरची एक्स-शोरूम किंमत 80 हजार 500 रुपये आहे. ही बाईक 124.8cc, 3-व्हॉल्व्ह, एअर-कूल्ड इंजिनने सुसज्ज आहे जी 11.2 bhp आणि 11.2 Nm टॉर्क निर्माण करते.

होंडा शाइन ही भारतातील 125cc सेगमेंटमधील एक लोकप्रिय बाईक आहे. ड्रम व्हेरिएंटची किंमत 78 हजार 538 रुपये (एक्स-शोरूम) आणि डिस्क व्हेरिएंटची किंमत 82 हजार 898 रुपयां(एक्स-शोरूम) पासून सुरू होते. बाईकचे 123.94cc इंजिन 10.59 बीएचपी आणि 11 Nm टॉर्क निर्माण करते. होंडा शाइनचे मायलेज अंदाजे 55-65 kmpl आहे. ज्यामुळे ती इंधन-कार्यक्षम बाईक बनते.

तिसरी बाईक Honda SP125 आहे. जी स्टायलिश आहे आणि आधुनिक फीचर्ससह येते. या बाईकची किंमत आता 85 हजार 564 रुपये (जीएसटी कपातीनंतर) पासून सुरू होते. त्याचे 123.94cc इंजिन 10.72 बीएचपी आणि 10.9 Nm टॉर्क निर्माण करते. हे इंजिन 5-स्पीड गिअरबॉक्ससह जोडलेले आहे, जे स्मूद रायडिंग ऑफर देते.

चौथी बाईक Bajaj Pulsar 125 आहे. ही बाईक एक स्टायलिश आणि परवडणारी बाईक आहे. यात 124.4cc, सिंगल-सिलेंडर इंजिन आहे जे 11.8 PS कमाल पॉवर आणि 10.8 Nm टॉर्क निर्माण करते. या बाईकची किंमत आता 77 हजार 295 रुपयांपासून सुरू होते.

पाचवी बाईक ही Hero Glamour X125 आहे. जी एक स्टायलिश आणि शक्तिशाली 125cc कम्युटर बाईक आहे. या बाईकमध्ये 124.7cc, सिंगल-सिलेंडर, एअर-कूल्ड, 4-स्ट्रोक इंजिन आहे जे 11.5 पीएस पॉवर आणि 10.4 Nm टॉर्क निर्माण करते. बाईकची किंमत एक्स-शोरूम 80 हजार 510 रुपयांपासून सुरू होते.