Mahindra XEV 9S याच आठवड्यात होणार लॉन्च! पाहा कोणत्या SUVsला देणार टक्कर 

महिंद्रा XEV 9S मध्ये अनेक हाय-एंड फीचर्स देण्याची तयारी करत आहे. आतील क्लिप्सवरून असे दिसून येते की, एसयूव्हीमध्ये सीट्सवर प्रीमियम स्टिचिंग, शोल्डर एरियावर सिल्व्हर प्लेटिंग आणि सॉफ्ट-टच मटेरियल आहेत, ज्यामुळे केबिनला एक आलिशान लूक मिळतो. या एसयूव्हीमध्ये कनेक्टेड एलईडी डीआरएल, फुल एलईडी हेडलाइट्स, पॅनोरॅमिक सनरूफ, हरमन कार्डन प्रीमियम साउंड सिस्टम, डॉल्बी अ‍ॅटमॉस सपोर्ट, मेमरी-बेस्ड पॉवर्ड सीट्स आणि इलेक्ट्रॉनिक पार्किंग ब्रेक सारख्या प्रीमियम फीचर्सचा समावेश असण्याची अपेक्षा आहे. टेक्नॉलॉजीच्या बाबतीत, ही एसयूव्ही 360-डिग्री कॅमेरा, कनेक्टेड कार फीचर्स आणि मल्टीपल ड्राइव्ह मोड्स सारख्या नवीन फीचर्ससह येईल.

Mahindra XEV 9S मध्ये 79 kWh प्रति तासाचा मोठा बॅटरी पॅक असण्याची अपेक्षा आहे. असा अंदाज आहे की, ही एसयूव्ही एकदा पूर्ण चार्ज केल्यावर 656 किलोमीटरपर्यंत प्रवास करू शकते. ज्यामुळे ती तिच्या सेगमेंटमधील सर्वात शक्तिशाली आणि लांब पल्ल्याच्या इलेक्ट्रिक एसयूव्ही बनते. मोठी बॅटरी आणि प्रगत मोटर सिस्टममुळे XEV 9S लांब पल्ल्याच्या फॅमिली ट्रिप्ससाठी एक उत्तम पर्याय बनेल. खरंतर, मोटर स्पेसिफिकेशन्स लाँचच्या वेळी अधिकृतपणे उघड केले जातील.

महिंद्रा लाँच इव्हेंटमध्ये नेमकी किंमत जाहीर करेल, परंतु ऑटो तज्ञांचा अंदाज आहे की XEV 9S ची सुरुवातीची किंमत सुमारे ₹20 लाख (एक्स-शोरूम) असेल. त्याची फीचर्स आणि रेंज लक्षात घेता, ही किंमत तिच्या सेगमेंटमध्ये एक मजबूत पर्याय बनवेल.

7-सीटर इलेक्ट्रिक SUV ची सध्या भारतात थेट प्रतिस्पर्धी नाही, परंतु ती Kia Carens Clavis EV, Tata Harrier EV आणि येणाऱ्या Tata Sierra EV शी स्पर्धा करू शकते.