महाराष्ट्रातील 'या' महापालिकेत नोकरीची संधी, लगेच करा अर्ज

पुणे जिल्ह्यातील पिंपरी चिंचवड महापालिकेत ही नोकर भरती होत आहे. त्यामुळे इच्छुकांसाठी ही मोठी संधी आहे. उपअभियंता या पदासाठी ही भरती प्रक्रिया होतेय. त्यासाठी ऑफलाईन पद्धतीने अर्ज करावा लागणार आहे. तसेच अर्ज करून 9 जानेवारी 2024 पूर्वी अर्ज संबंधित विभागाकडे जमा करावा लागणार आहे. पिंपरी चिंचवड महानगरपालिका आयुक्त, मुख्य इमारत, प्रशासन विभाग, चौथा मजला येथे अर्ज करायचे आहेत.

पिंपरी चिंचवड महापालिकेत होत असणाऱ्या उपअभियंता पदाच्या भरतीसाठी पात्रता निश्चित करण्यात आली आहे. त्यासाठी अभियांत्रिकीमध्ये पदवी असणं गरजेचं आहे. आपल्याकडे ही पदवी असल्यास तात्काळ ऑफलाईन पद्धतीने अर्ज करायचा आहे.

या भरती प्रक्रियेबद्दल आपल्याला पिंपरी चिंचवड महापालिकेच्या वेबसाईटवर सविस्तर माहिती मिळेल. त्यामुळे या वेबसाईटला भेट देऊन सविस्तर जाहिरात पाहायची आहे. तसेच त्वरीत अर्ज करायचा आहे.