Trending:

Government Jobs : सरकारी नोकरीची सुवर्णसंधी, 10वी पास विद्यार्थीही करू शकतात अप्लाय!

Published by:Shreyas

Last Updated:September 14, 2024 11:39 PM IST

आपल्याला सरकारी नोकरी मिळावी, अशी प्रत्येक तरुणाची इच्छा असते, त्यासाठी ते प्रयत्नदेखील करत असतात. तुम्ही जर सरकारी नोकरीच्या शोधात असाल तर ही बातमी तुमच्यासाठी महत्त्वाची आहे.

सरकारी नोकरीची सुवर्णसंधी, 10वी पास विद्यार्थीही करू शकतात अप्लाय!

मुंबई : आपल्याला सरकारी नोकरी मिळावी, अशी प्रत्येक तरुणाची इच्छा असते, त्यासाठी ते प्रयत्नदेखील करत असतात. तुम्ही जर सरकारी नोकरीच्या शोधात असाल तर ही बातमी तुमच्यासाठी महत्त्वाची आहे. कारण इंडो-तिबेटियन बॉर्डर पोलीस दलात 540 पदं भरली जाणार आहेत. इयत्ता 10 वी उत्तीर्ण उमेदवारांसाठी ही सुवर्णसंधी आहे. या पदभरती प्रक्रियेसाठी काही निकष निश्चित करण्यात आले आहेत. या प्रक्रियेची सविस्तर माहिती जाणून घेऊ या.

इंडो-तिबेटियन बॉर्डर पोलीस दल अर्थात आयटीबीपीमध्ये नोकरी करण्याची इच्छा असलेल्या उमेदवारांसाठी एक सुवर्णसंधी आहे. आयटीबीपीने नुकतंच कॉन्स्टेबल ड्रायव्हरच्या 540हून अधिक जास्त पदांच्या भरतीसाठी नोटिफिकेशन प्रसिद्ध केलं आहे. या पदासाठी योग्य आणि इच्छुक उमेदवार recruitment.itbpolice.nic.in या अधिकृत वेबसाइटवर 8 ऑक्टोबरपासून ऑनलाइन अर्ज करू शकतात. फॉर्म भरण्यासाठी तसंच अर्ज शुल्क भरण्याची शेवटची मुदत 6 नोव्हेंबर 2024 आहे.

इंडो-तिबेटियन बॉर्डर पोलीस दलाच्या या भरती प्रक्रियेतून कॉन्स्टेबल ड्रायव्हर नियुक्त केले जाणार आहेत. यात एकूण पदसंख्या 545 आहे. श्रेणीनुसार पदांचा तपशील पाहता यात अनारक्षित 209, ओबीसी 164, ईडब्ल्यूएस 55, एससी 77, एसटी 40 अशी एकूण 545 पदं आहेत.

अर्ज करतेवेळी इच्छुक उमेदवारांना अर्ज शुल्कापोटी 100 रुपये भरावे लागतील. यात अनुसूचित जाती आणि अनुसूचित जमाती या श्रेणीतल्या उमेदवारांना सूट असेल. आयटीबीपीच्या भरती मोहिमेत सहभागी होण्यासाठी इच्छुक उमेदवार कोणत्याही मान्यताप्राप्त बोर्डातून इयत्ता 10वी उत्तीर्ण झालेला असावा. तसंच उमेदवाराकडे अवजड वाहन चालवण्याचा परवाना असणं आवश्यक आहे.

या पदांसाठी अर्ज करणाऱ्या उमेदवाराचं वय 21 वर्षांपेक्षा कमी आणि 27 वर्षांपेक्षा जास्त नसावं. आरक्षित वर्गाच्या नियमानुसार वयोमर्यादेत निर्धारित वर्षाची सूट दिली जाईल.

ग्रुप सीच्या या भरती प्रक्रियेतून निवड झालेल्या उमेदवाराला लेव्हल थ्रीनुसार दरमहा 21,700 - 69,100/- रुपये वेतन दिलं जाईल. आयटीबीपी कॉन्स्टेबल भरती प्रक्रियेत उमेदवाराची निवड पीईटी, पीएसटी, लेखी परीक्षा, डॉक्युमेंट व्हेरिफिकेशन आणि वैद्यकीय चाचणीच्या आधारे केली जाईल. इच्छुक उमेदवार या भरतीसाठी अॅप्लिकेशन विंडो अॅक्टिव्ह झाल्यावर अर्ज करू शकतात. भरतीबाबत कोणत्याही प्रकारच्या माहितीसाठी उमेदवारांनी आयटीबीपीच्या अधिकृत वेबसाइटला भेट द्यावी.

Location :

Mumbai,Maharashtra

First Published :

September 14, 2024 11:39 PM IST

Government Jobs : सरकारी नोकरीची सुवर्णसंधी, 10वी पास विद्यार्थीही करू शकतात अप्लाय!