'...तर सोशल मीडियापासून दूर राहा'; NEET मध्ये देशात पहिला क्रमांक मिळवलेल्या तरुणीचा विद्यार्थ्यांना सल्ला

तिच्या यशाच्या रहस्याबद्दल बोलताना तिने सर्वात महत्त्वाचे कारण म्हणजे स्मार्टफोन आणि सोशल मीडियापासून दूर राहणे, हे सांगितले. यश मिळवण्यासाठी डिजिटलच्या या जगात सोशल मीडियापासून दूर राहणे आवश्यक आहे. कारण, सोशल मीडियावर प्रत्येक तासाला असा कुठला तरी मेसेज किंवा माहिती मिळते की ज्यामुळे तब्बल 1-2 तास तुमचे लक्ष विचलित होते आणि तुमच्या अभ्यासाचे नुकसान होते.

प्रत्येक दिवशी वाया जाणाऱ्या या 2 तासांची भरपाई करणे शक्य नाही. दृढ संकल्पाने सोशल मीडियापासून दूर राहून अभ्यासावर फोक केला आणि प्रत्येक दिवस 8 तास अभ्यास केला. तिची आई हंसा कोठारी आणि वडील सुधीर कोठारी यांनी तिचे मनोबल वाढवल्याचे तिने सांगितले. तिची आई गृहिणी तर वडील प्लायवूडचा व्यवसाय करतात. तसेच भावाने पदवीपर्यंतचे शिक्षण घेतले आहे. तसेच तोसुद्धा प्लायवूडचा व्यवसाय करतो. इशाला दहावीला 97.63 तर बारावीला 95.80 टक्के गुण होते. यानंतर आता तिने नीट या कठीण परिक्षेतही 720 पैकी 720 गुण मिळवत देशात पहिला क्रमांक मिळवला आहे.

तिने रेडिएंट ॲकॅडमी येथून कोचिंग घेतले. तिच्या या यशामध्ये एमडीएसचे संचालक डॉ. शैलेंद्र सोमानी, सहयोगी शैक्षणिक प्रधान संचालक कमल पटसारिया, रेडियंट ॲकॅडमीचे संचालक आणि वैद्यकीय विभागाचे प्रमुख जंबू जैन यांनी भूमिका बजावली.