महाराष्ट्रातील या जिल्हा परिषदेत होतेय मेगा भरती, लगेच करा अर्ज

राष्ट्रीय आरोग्य अभियानच्या या 2024 च्या कोल्हापूर जिल्हा परीषद भरती प्रक्रियेत किटकशास्त्रज्ञ - 06 जागा, सार्वजनिक आरोग्य तज्ञ - 06 जागा, प्रयोगशाळा तंत्रज्ञ - 12 जागा अशा एकूण 24 रिक्त पदे भरली जाणार आहेत.

या भरती प्रक्रियेत अर्ज करु इच्छिणाऱ्या तरुणांना या पदांपैकी किटकशास्त्रज्ञ पदासाठी एम.एससी झुलॉजी उत्तीर्ण होऊन 5 वर्षाचा अनुभव असणे आवश्यक आहे. सार्वजनिक आरोग्य तज्ञ पदासाठी इच्छुक हा एमपीएच/एमएचए/एमबीए इन हेल्थ अशा कोणत्याही वैद्यकिय क्षेत्रातील पदवीधर असणे आवश्यक आहे. तर प्रयोगशाळा तंत्रज्ञ पदासाठी इच्छुक उमेदवाराने बारावी उत्तीर्ण होऊन डीएमएलटी हा कोर्स केलेला असणे आवश्यक आहे.

या भरती प्रक्रियेसाठी अर्ज करण्याची शेवटची तारीख ही 10 जानेवारी 2024 आहे. इच्छुक उमेदवारांना त्यापूर्वीच या भरती प्रक्रियेसाठी ऑफलाइन पद्धतीनेच अर्ज करावे लागणार आहेत. उशीरा आलेले अर्ज हे स्वीकारले जाणार नाहीत. संबंधित पत्त्यावर हे अर्ज 10 जानेवारी 2024 च्या अगोदरच पोहचले पाहिजेत. त्यामुळे कोल्हापूर जिल्हा परिषदे अंतर्गत नोकरी करण्याची ही मोठी संधी वाया न जाऊ देण्यासाठी अर्जदारांनी फटाफट अर्ज करण्याची गरज आहे.

राष्ट्रीय आरोग्य अभियान अंतर्गत जिल्हा परिषदेच्या या विशेष भरती प्रक्रियेसाठी ऑफलाइन पद्धतीने अर्ज पाठवायचे आहेत. राष्ट्रीय आरोग्य अभियान कक्ष, (२ रा मजला) आरोग्य विभाग, जिल्हा परिषद, नागाळा पार्क, कोल्हापूर–416003 या पत्त्यावर इच्छुक उमेदवारांना अर्ज पाठवावे लागणार आहेत. राष्ट्रीय आरोग्य अभियानांतर्गत तेही जिल्हा परिषदेत सरकारी नोकरी करण्याची ही सुवर्णसंधी तरुणांना मिळत असून याचे कार्यक्षेत्र हे कोल्हापूरच असणार आहे. मात्र अर्ज मुदतीची शेवटची तारीख जवळ आली असल्याने इच्छुकांनी घाई करण्याची गरज आहे.