NEET GP Exam Date : नीट पीजी परीक्षेच्या तारखेची घोषणा, दोन शिफ्टमध्ये होणार पेपर

मुंबई : नॅशनल बोर्ड ऑफ एक्झामिनेशनने नीट पीजी परीक्षेच्या नव्या तारखेची घोषणा केलीय. दोन शिफ्टमध्ये ही परीक्षा आयोजित केली जाणार आहे. याआधी २३ जून रोजी परीक्षा होणार होती. मात्र ती स्थगित करण्यात आली होती. आरोग्य मंत्रालयाने नीट यूजी आणि युजीसी नेट पेपर लीक प्रकरणातील गोंधळामुळे एक दिवस आधीच ही परीक्षा पुढे ढकलणार असल्याची माहिती दिली होती. नीट पीजी परीक्षा पुढे ढकलल्यानंतर आता त्याची तारीख जाहीर करण्यात आली आहे. ११ ऑगस्ट २०२४ रोजी ही परीक्षा होणार आहे.