PM Narendra Modi : पंतप्रधान मोदींनी घेतली गेमर्सची भेट; गेमिंगची ही 5 करिअर तुम्हाला देतील मजबूत पॅकेज!

मुंबई : घरात गेम खेळताना दिसलो की आई जाम रागावते, याने काय पैसे मिळणार आहे का? तुझं करिअर होणार आहे का? असं ऐकायला मिळतं. यावर तुम्ही आईला हमखास सांगू शकता की हो, याने करिअर सेट होऊ शकतं. आता हे ठामपणे म्हणण्याचं कारण काय? आणि मुळात अचानक गेमबद्दल बोलण्याचं कारण काय? तर पंतप्रधान नरेंद्र मोदी यांनी भारतातील टॉप 7 गेमर्सची घेतलेली भेट. गेमींग क्षेत्रातील करिअरच्या संधी आणि एकूण गेमिंगबाबत जाणून घेण्यासाठी पंतप्रधानांनी ही भेट घेतली. तेव्हा भारत सरकार या क्षेत्राबद्दल किती आग्रही आहे, हे दिसून येतंय. म्हणून जाणून घेऊया, की भारतातील गेमिंग इंडस्ट्री कशी आहे? गेमिंगमध्ये कोणकोणते करिअर ऑप्शन आहेत?

गेमिंगचं नाव निघालं की अनेकांच्या डोळ्यांसमोर चायनिज ड्रामा येतो. कारण यात गेमिंगबद्दल खुप दाखवलं जातं. चीनमध्ये असंही गेमिंग कल्चर खुप मोठं आहे आणि तिथे प्रोफेशनली लोक या क्षेत्राकडे पाहतात. मोबाईल गेम्स, कम्प्यूटर गेम्स जे आपण खेळतो ते मोस्टली चीन, अमेरिकासारख्या देशांतील आहेत. पण याचा अर्थ असा नाही की भारतात करियरसाठी हे क्षेत्र नाही.

भारतीय गेमिंग इंडस्ट्री दरवर्षी 27 टक्क्यांनी वाढतेय. आपल्या देशात 50 कोटींपेक्षा जास्त लोक कुठलातरी गेम खेळत असल्याचा रिपोर्ट आहे. आणि त्यामुळे करियर म्हणून याकडे बघितलं जातंय. सोपं उदाहरण सांगायचं तर लुडो किंग. लुडो किंग हा गेम विकास जैस्वाल या भारतीयाने बनवला आहे. कोव्हिड काळात या गेमने पिक घेतला. 2020 मध्ये कोव्हिड दरम्यान या गेमने एकावर्षात 20 मिलियन डॉलर छापले होते. तेव्हापासून ते आतापर्यंत या गेमची क्रेझ कायम आहे. रोज अंदाजे 5 करोडपेक्षा जास्त लोक हा गेम खेळतात अशी माहिती आहे.

इंडस्ट्री ट्रेंडच्या आधारे सांगायचं तर या बिजनेसमध्ये ज्यांना दोन-तीन वर्षांचा अनुभव आहे आणि स्किल आहे, असे लोक वर्षाला 5 ते 7 लाख रुपये कमवू शकतात. फ्रीलांसरसाठीही भरपूर संधी आहेत. देशांतर्गत किंवा आंतरराष्ट्रीय प्रकल्पांच्या आधारे फ्रीलांसर दरवर्षी 10-15 लाख रुपये कमवू शकतात.

शिवाय भारत सरकार देखील या क्षेत्राबद्दल आग्रही झाल्याने बरीच मदत होऊ शकते. 2023 च्या केंद्रीय अर्थसंकल्पात ‘AVGC’ या नवीन टास्क फोर्सच्या स्थापनेची घोषणा सरकारने केली होती. AVGC म्हणजे ॲनिमेशन, व्हिज्युअल इफेक्ट्स, गेमिंग आणि कॉमिक या चार क्षेत्रातील जागतिक मागणी पूर्ण करण्यासाठी या नवीन टास्क फोर्स स्थापना करण्यात आली. यामुळे भारतीय गेमर्सना गेमिंग इंडस्ट्रीतील किमान 5% उद्योग शोधता येतील आणि दरवर्षी नवीन नोकऱ्या निर्माण करता येतील, असं सांगण्यात आलंय. शिवाय आता तर स्वत: पंतप्रधानांनी गेमर्सशी भेट घेतल्याने अपेक्षा वाढल्या आहेत.

याशिवाय ऑडिओ इंजिनियर, ट्रान्सलेटर, मार्केटिंग प्रोफेशनल अशांनाही गेमिंगमध्ये स्कोप आहे. सरकार या क्षेत्राला भारतात वाढवण्यासाठी प्रयत्न करतंय. सोबतंच आंतरराष्ट्रीय कंपन्या देखील भारतात इन्वेस्ट करायला तयार आहेत. तेव्हा करियर ऑप्शन आहे, गरज आहे ती फक्त कौशल्याची आणि ते दाखवता येण्याची.