Success Story : कॅफेतला वेटर झाला आर्मी जवान, शेतमजूर आईच्या कष्टाचं केलं सोनं, विकासची BSF मध्ये निवड

विकास रमाबाई यादव शिनगारे यांचं प्राथमिक आणि माध्यमिक शिक्षण ब्राम्हणगाव गावातच झालं. यानंतर त्यांचे महाविद्यालयीन शिक्षण सेलू येथे पूर्ण केलं. बी.कॉम करत असतानाच एका कॅफेत वेटर म्हणून काम करण्यास सुरुवात केली. घरची परिस्थिती अत्यंत नाजूक होती. आई शेतमजुरी करून घर चालवायची, वडील लहानपणीच वारले. भाऊ दीपक शिनगारे दुकानात काम करून पैसे पाठवायचा. सगळ्यांच्या कष्टाचं चीज करत विकास याने उत्तुंग भरारी घेतल्याने त्यांचे कौतुक होत आहे.

पहिल्या वर्षी मी पोलीस भरतीमधून बाहेर पडलो आणि SSC GD ह्या परीक्षेत पेपरमध्ये बाहेर पडलो. दुसऱ्या वर्षी चांगला अभ्यास केला आणि मेहनतीला फळ आलं. 15 जानेवारी 2026 ह्या दिवशी माझी BSF (Army) मध्ये निवड झाली हा तोच दिवस आहे. ज्या दिवशी Army Day म्हणून साजरा केला जातो. 2 वर्षाच्या प्रयत्नाने मला यश मिळाल्याची भावना विकास याने बोलून दाखवली.