Police Salary : पोलिसात सर्वात मोठा अधिकारी कोण? लाखात पगार, सरकारी बंगला-गाडी आणि नोकरही

लखनऊ : उत्तर प्रदेश राज्याचे डायरेक्टर जनरल ऑफ पोलीस अर्थात डीजीपी प्रशांत कुमार सध्या चर्चेत आहेत. त्यांच्या पगारामुळे त्यांच्या नावाची चर्चा सुरू आहे. उत्तर प्रदेशचे मुख्यमंत्री योगी आदित्यनाथ यांच्या सरकारने डीजीपी प्रशांत कुमार यांना सर्वोत्तम वेतनमान दिलं आहे. त्यामुळे त्यांचा पगार लाखो रुपये असेल असं म्हटलं जात आहे. असा विषय अजिबात नवीन नाही. उत्तर प्रदेशचे कार्यवाहक डीजीपी डी. एस. चौहान यांच्या निवृत्तीच्या एक दिवस आधी त्यांना डीजीपी पदाचं वेतनमान देण्यात यावं असे आदेश योगी सरकारने जारी केले होते. या पार्श्वभूमीवर एखादा आयपीएस अधिकारी त्याच्या करिअरच्या कुठल्या टप्प्यावर डीजीपी पदापर्यंत पोहोचतो, त्याला पगार किती मिळतो, पगाराव्यतिरिक्त अन्य कोणत्या सेवा सुविधा मिळतात याबाबत जाणून घेऊ या.