नगरमध्ये मध्यरात्री गोळीबाराचा थरार, व्यावसायिकावर 50 जणांकडून प्राणघातक हल्ला, गाडीत होती आजारी पत्नी

अहिल्यानगर शहरातील भिंगार कॅम्प परिसरात एक धक्कादायक घटना उघडकीस आली आहे. इथं मध्यरात्री गोळीबाराचा थरार बघायला मिळाला आहे. ४० ते ५० जणांच्या टोळीने पाठलाग करून एका व्यावसायिकावर प्राणघातक हल्ला केला आहे. धक्कादायक बाब म्हणजे ज्यावेळी हा हल्ला झाला, तेव्हा कारमध्ये तक्रारदार व्यावसायिकाची आजारी पत्नी होती. पत्नीला रुग्णालयात घेऊन जात असताना अचानक हा हल्ला झाला. या प्रकरणी भिंगार कॅम्प पोलीस ठाण्यात गुन्हा दाखल करण्यात आला आहे.