AkolA News: कोणी नसताना घरात घुसला ,चाकूचा धाक दाखवत 16 वर्षीय मुलीवर अत्याचार,अकोल्यात खळबळ

अकोला :अकोल्यातून एक धक्कादायक माहिती समोर आली आहे. शहरातील डाबकी रोड परिसरात एका 16 वर्षीय अल्पवयीन मुलीवर अत्याचार झाल्याची धक्कादायक घटना उघडकीस आली आहे. या प्रकरणी डाबकी रोड पोलीस ठाण्यात आरोपी तौहिद समीर बैद्य याच्याविरोधात गुन्हा दाखल करण्यात आला आहे. आरोपीने अल्पवयीन मुलीला चाकूचा धाक दाखवून हा प्रकार केल्याचा गंभीर आरोप तक्रारीत करण्यात आला आहे. या घटनेनंतर परिसरात मोठी खळबळ उडाली असून नागरिकांमध्ये संतापाची लाट उसळली आहे.

मिळालेल्या माहितीनुसार, शनिवारी दुपारी 4.30 च्या दरम्यान नातेवाईक गणपती पाहण्यासाठी गेल्यामुळे घरी कोणी नसल्याचा फायदा घेत हा अत्याचार केला आहे. तर या प्रकरणानंतर बजरंग दलाचे कार्यकर्ते चांगलेच आक्रमक झाले. त्यांनी पोलीस ठाण्यात आरोपीवर कडक कारवाई करण्याची मागणी केली. दरम्यान पोलिसांनी या प्रकरणी गुन्हा दाखल केला असून आरोपी तौहिद याला बेड्या ठोकण्यासाठी एक पथक गठीत केलं असून त्याचा शोध घेत आहेत. आरोपींनी यापूर्वीही अनेक गुन्हे केले असल्याची माहिती समोर आली आहे. आरोपीचा सध्या पोलीस कसून शोध घेण्यात येत आहे.