हॉलिवूडच्या सिनेमाला लाजवेल असा बँकेवर हल्ला, पैसे नाही तर या कारणासाठी बँकेत लावली आग!

बँकेला लागलेल्या आगीचे आणि स्फोटाचे कारण मात्र वेगळेच होते. पाच आरोपींमध्ये असलेला हा भरत कदम वैजपुराचाच आहे. भरतने महाराष्ट्र ग्रामीण बँकेतून बनावट कागदपत्रे देऊन 65 लाखाचं कर्ज घेतलं होतं. भरतने बनावट कागदपत्र दिल्याचं बँकेच्या लक्षात आलं त्यानंतर बँकेनं रितसर पोलिसांत तक्रार केली आणि भरतला अटक झाली. अटक झाल्यानंतर तो जामिनावरही सुटला. पण त्याने दिलेली बनावट कागद ही बँकेतच होती. त्यामुळे बँकेतून पुरावे नष्ट करण्यासाठी त्याने मित्रांना पैसे देऊन प्लॅन केला. भरतने महाराष्ट्र बँकेचं शटर स्फोटकं लावून उडवली. त्यानंतर बँकेच्या कार्यालयात पेट्रोल टाकून आग लावली.