Crime News : 6 वर्षांच्या मुलाच्या आईला लग्नाचं आमिष, प्रेमाच्या नावाखाली अत्याचार, वकिलावर गुन्हा दाखल

27 वर्षीय तक्रारदार तरुणी ही विवाहित असून पतीपासून विभक्त राहते. तिचा एक सहा वर्षांचा मुलगाही आहे. महेंद्र नैनाव याच्याशी तिची ओळख शाळेपासून होती. मार्च 2025 मध्ये पाचोरा न्यायालयात कामाच्या निमित्ताने दोघांची पुन्हा भेट झाली. तक्रारीनुसार, ही ओळख हळूहळू मैत्रीत आणि नंतर प्रेमात बदलली.

महेंद्रने तिला लग्नाचे आमिष दाखवत छत्रपती संभाजीनगरमधील विविध हॉटेलमध्ये नेऊन शारीरिक संबंध प्रस्थापित केले. जून 2025 पासून त्यांनी जय भवानीनगर परिसरात एकत्र राहण्यास सुरुवात केली. यादरम्यान, तरुणी गर्भवती राहिली. मात्र, महेंद्रने जबरदस्तीने गर्भपात करायला लावल्याचा गंभीर आरोप तिने केला आहे. 3 ऑगस्टपासून महेंद्रने तिच्याशी संपर्क तोडल्याने, अखेर त्रस्त होऊन संबंधित तरुणीने सिडको पोलीस ठाण्यात तक्रार दाखल केली. त्यानुसार बलात्काराचा गुन्हा नोंदवण्यात आला आहे. या प्रकरणी आता पोलिसांकडून अधिक तपास सुरू आहे.