Crime News : आई कामावर गेली, अडीच वर्षांची चिमुकली रडू लागताच बापाने गाठला क्रूरतेचा कळस

मृत मुलीचे आजोबा पारस महतो यांनी सांगितलं की, 'मृत मुलीचे वडील आरोपी आदित्य व्यसनाच्या आहारी गेले होते. तिची आई रेश्मी एका दुकानात काम करते. बुधवारी रेश्मी नेहमीप्रमाणे कामावर गेली होती. दरम्यान, आदित्य हा दारूच्या नशेत घरी आला. तेव्हा अनुष्का रडत होती. यामुळे संतापलेल्या आदित्य याने अनुष्काला गच्चीवर नेऊन मारहाण केली. यामध्ये ती गंभीर जखमी झाली. बुधवारी रात्री आठच्या सुमारास तिची आई घरी परतली असता इतर मुलांनी घटनेची माहिती दिली. त्यानंतर आईने मेडिकल स्टोअरमधून औषध विकत घेऊन अनुष्काला दिले. ती गुरुवारी डॉक्टरांकडे जखमी मुलीला घेऊन जाणार होती. पण गुरुवारी दुपारी 12 वाजण्याच्या सुमारास मुलीचा मृत्यू झाला. माहिती मिळताच पोलीस घटनास्थळी पोहोचले. मृतदेहाचे शवविच्छेदन करण्यात आले. पोलीस या प्रकरणाचा तपास करत आहेत.

दरम्यान, या प्रकाराने एकच खळबळ उडाली आहे. परिसरात या प्रकरणाची जोरदार चर्चा असून आरोपीला कठोरात कठोर शिक्षा व्हावी, अशी मागणी करण्यात येत आहे. मृत मुलीच्या कुटुंबियांना या प्रकाराचा जोरदार धक्का बसलाय.