बाॅयफ्रेंड बुरखा घालून भेटायला आला, गर्लफ्रेंडने लग्नास नकार दिला; पुढे जे क्रूर कृत्य झालं ते पाहून चक्रावले पोलीस

खरं तर, ही घटना दिल्लीतील अशोक नगर परिसरातील आहे. येथे सोमवारी सकाळी तौफिक नावाचा एक मुस्लिम तरुण बुरखा घालून त्याची प्रेयसी नेहाच्या घराच्या छतावर पोहोचला. त्याची प्रेयसी त्याला भेटण्यासाठी आली असता, तौफिकने नेहाला पाचव्या मजल्यावरून थेट खाली रस्त्यावर फेकून दिले. खाली पडल्याने नेहा गंभीर जखमी झाली. त्यानंतर आरोपी तौफिक पुन्हा बुरखा घालून पळून गेला. दरम्यान, 19 वर्षीय नेहाला जीबीटी रुग्णालयात दाखल करण्यात आले, जिथे उपचारादरम्यान तिचा रात्री मृत्यू झाला.

पोलीस सूत्रांनी सांगितले की, नेहा हिंदू कुटुंबातील होती आणि अशोक नगरमध्ये तिच्या कुटुंबासोबत राहत होती. तिच्या आई-वडिलांव्यतिरिक्त नेहाला कुटुंबात दोन भाऊ आणि दोन बहिणी आहेत. 12 वी पास केल्यानंतर नेहा एका कंपनीत काम करत होती. नेहाचा प्रियकरही न्यू अशोक नगरमध्ये भाड्याच्या घरात राहत होता आणि एका किराणा दुकानात काम करत होता.

सोमवारी सकाळी 8 वाजता प्रियकर बुरखा घालून मुलीच्या घराच्या छतावर पोहोचला. प्रेयसी त्याला भेटायला गेली होती आणि काही गोष्टींवरून दोघांमध्ये वाद झाला. त्यानंतर तौफिकने प्रेयसीला पाचव्या मजल्यावरून खाली फेकले. त्यानंतर सोमवारी रात्री रुग्णालयात तिचा मृत्यू झाला.