मूलबाळ होत नसल्याने पत्नीला सोडलं, दुसरं लग्न करताच पहिलीला आला राग, घडलं भयानक

ज्यावेळी तरुण न्यायालय परिसरात पोहोचला, त्यावेळी त्याठिकाणी त्याची पहिली पत्नी आधीपासून उपस्थित होती. मात्र, तिने आपल्या पतीला पाहताच तिचे नियंत्रण हरवले आणि तिने आपल्या पतीची कॉलर पकडत त्याला मारहाण केली. हा सर्व प्रकार पाहून याठिकाणी मोठी गर्दी जमा झाली आणि तेथील उपस्थित वकिलांनी तसेच स्थानिकांनी हे प्रकरण शांत केले. या घटनेचा व्हिडिओही सोशल मीडियावर व्हायरल होत आहे.

जमुई जिल्ह्यातील झाझा परिसरातील हरनी येथील रहिवासी असलेले विकास कुमारचे लग्न 7 वर्षांपूर्वी खैरा पोलीस ठाणे हद्दीतील ताराडीह गावातील रहिवासी असलेल्या तरुणीसोबत झाले होते. लग्नानंतर दोन्हीही खूप आनंदी होते. मात्र, त्यांना संतती होत नव्हती. संतती होत नसल्याने विकासने आपल्या पत्नीला सोडले. यानंतर त्याच्या पत्नीने त्याच्याविरुद्ध जमुई कौटुंबिक न्यायालय आणि दिवाणी न्यायालयात तीन स्वतंत्र खटले दाखल करण्यात आले होते. या खटल्यांच्या सुनावणीदरम्यान त्याला जामीन मिळाला नाही. म्हणून या प्रकरणाबाबत पाटणा उच्च न्यायालयात जामीन याचिका दाखल केली होती. यानंतर उच्च न्यायालयाने काही अटी ठेवत विकासला जामीन दिला.

उच्च न्यायालयाने जामीन दिल्यानंतर सोमवारी तो याबाबतची कागदपत्रे घेऊन जमई येथील न्यायालयात आला. मात्र, याठिकाणी त्याच्या पत्नीने त्याला जोरदार मारहाण केली. विकास हा झारखंड राज्यातील देवघर येथे राहून मजूरी करतो. मला सोडल्यानंतर विकास पत्नीसोबत राहत आहे, असा आरोप त्याच्या पत्नीने केला आहे. यानंतर मी तक्रार दाखल केली आहे, असेही तिने सांगितले.