आश्चर्यम...महिलेचं वय 20, एकाच वेळी दिला 5 मुलींना जन्म, अनेकांना विश्वासच बसेना!

ताहिरा बेगम असे या 20 वर्षीय महिलेचे नाव आहे. ती ठाकूरगंज कनकपुर येथील जालमिलिक गावातील रहिवासी आहे. ताहिरा बेगम ही एका खासगी नर्सिंग होममध्ये उपचार घेत होती. याबाबत तिने सांगितले की, ती जेव्हा 2 महिन्यांची गर्भवती होती, तेव्हा तिला तिच्या पोटात चार बाळ असल्याची माहिती मिळाली होती. नंतर डॉक्टरकडे जाऊन तपासणी केल्यावर 4 नव्हे तर 5 बाळ असल्याची माहिती मिळाली. सुरुवातीला मी खूप घाबरली होती. मात्र, नंतर डॉक्टरने विश्वास दिला तसेच सर्व काही ठिक होईल, असे सांगत माझा आत्मविश्वास वाढवल्याचे तिने सांगितले.

अल्ट्रासाउंडमध्ये जेव्हा याबाबत माहिती झाले, तेव्हा महिला खूपच घाबरली होती. मात्र, आम्ही तिचा आत्मविश्वास वाढवला. संपूर्ण 9 महिने रेग्युलर चेकअप सुरू होते. मागच्या शनिवारी सकाळी ताहिरा हिला त्रास होऊ लागल्याने तिला क्लिनिकमध्ये दाखल करण्यात आले. हे प्रकरण खूप आव्हानात्मक होते. मात्र, नॉर्मल डिलिव्हरीने डॉक्टरांनी प्रसूती केली आणि ताहिरा हिला पाचही मुली झाल्या. दरम्यान, ताहिरा आता दुसऱ्यांदा आई बनली आहे. तिला एक ती वर्षांचा मुलगा आहे. आता ती 6 बालकांची आई झाली आहे.