साडीवर पुरावा, अश्लील VIDEO आणि मोलकरणीवर अत्याचार, कोर्टाकडून प्रज्ज्वल रेवन्ना दोषी

माजी पंतप्रधान एचडी देवेगौडा यांचे नातू आणि कर्नाटकचे माजी खासदार आणि जेडीएस नेते प्रज्ज्वल रेवण्णा याला बेंगळुरू येथील विशेष न्यायालयाने बलात्कार प्रकरणात दोषी ठरवलं आहे. हा निकाल १ ऑगस्ट २०२५ रोजी देण्यात आला. न्यायालय आज २ ऑगस्ट रोजी शिक्षेची घोषणा करणार आहे. हा निकाल ऐकताच प्रज्ज्वल रेवन्ना न्यायालयात भावनिक झाला आणि रडू लागला. या प्रकरणाचा तपास आणि सुनावणी खूप जलद झाली. एफआयआर नोंदवल्यानंतर अवघ्या १४ महिन्यांत न्यायालयाने हा निकाल दिला. हासनमध्ये राहणाऱ्या एका घरकाम करणाऱ्या महिलेच्या तक्रारीवरून हा गुन्हा दाखल करण्यात आला होता. तिने आपल्यावर दोन वेळा बलात्कार झाल्याचा आरोप केला होता.