नगरमध्ये शेतकरी दाम्पत्यासोबत घडलं भयंकर, पत्नी शेततळ्यात अन् पती घरात मृतावस्थेत, तोंडातून फेस अन्...

हरीष दिमोटे, प्रतिनिधी अहिल्यानगर: अहिल्यानगर जिल्ह्यातील राहाता तालुक्यातील लोणी गावाजवळून एक अत्यंत धक्कादायक आणि मन हेलावून टाकणारी घटना समोर आली आहे. येथील सादतपुर परिसरात शेतकरी पती-पत्नीचा एकाच दिवशी गूढ मृत्यू झाल्याने संपूर्ण तालुक्यात खळबळ उडाली आहे. पत्नीचा मृतदेह शेततळ्यात तर पतीचा मृतदेह घरात संशयास्पद स्थितीत आढळून आल्याने अनेक प्रश्न निर्माण झाले आहेत. हा घातपात आहे की आत्महत्या, याचा छडा लावण्याचे मोठे आव्हान आता पोलिसांसमोर उभे राहिले आहे.