दुसऱ्या लग्नासाठी बापाने पोटच्या लेकाची दिली सुपारी, मृतदेह आढळल्यानं खळबळ

मेरठ - उत्तर प्रदेश येथील मेरठमध्ये एका बापाचे भयंकर कृत्य समोर आले आहे. बाप-लेकाच्या नात्याला काळिमा फासणारी एक घटना घडली आहे. एका निवृत्त लष्करी जवानाने दुसरं लग्न करण्यासाठी आपल्या पोटच्या मुलाला मारलं. त्यांनी सुपारी देऊन आपल्याच मुलाची हत्या करायला लावली. या घटनेने मेरठमध्ये एकच खळबळ उडाली आहे. मुलगा वडिलांच्या दुसऱ्या लग्नाला विरोध करत होता. त्यामुळे त्यानी पोटच्या मुलाच्याच हत्येची सुपारी दिली. या घटनेतील आरोपी पित्याला अटक करण्यात आली आहे. तसंच मारेकऱ्यालाही ताब्यात घेण्यात आलं आहे.