पत्नी बुलेट घेऊन गेली, पतीनं घेतला गळफास, नवी मुंबईतील घटनेनं खळबळ

गेल्या काही काळापासून वैभव पाटील आणि त्यांच्या पत्नीमध्ये कौटुंबिक कलह सुरू होता. या वादातूनच दोघांनी विभक्त राहण्याचा निर्णय झाला होता. मात्र, वैभव यांची बुलेट पत्नीने नेल्यामुळे दोघांमध्ये पुन्हा वाद निर्माण झाला. या वादानंतर वैभव नैराश्यात होते. या नैराश्यातून त्यांनी टोकाचा निर्णय घेत जीवन संपविले असावे, असा प्राथमिक अंदाज वर्तवला जात आहे.