नगर हादरलं! तडीपार गँगने सराफाला घरातून उचललं, डोंगरात नेऊन केला अमानुष छळ

साहेबराव कोकणे, प्रतिनिधी अहिल्यानगर: मागील काही दिवसांपासून बीड जिल्ह्यात गुन्हेगारीच्या अनेक घटना समोर येत आहेत. मस्साजोगचे सरपंच संतोष देशमुख यांच्या हत्येनंतर बीडमध्ये विविध लोकांना मारहाण झाल्याचे अनेक व्हिडीओ समोर येत आहेत. ज्यामध्ये एखाद्या व्यक्तीकडून किंवा टोळीकडून बेदम मारहाण होत असल्याचं दिसत आहे. अलीकडेच बीड जिल्ह्यातील शिरूरमध्ये सतीश उर्फ खोक्या भोसलेनं एका तरुणाला अमानुष मारहाण केल्याची घटना घडली होती. ही घटना ताजी असताना आता शिरूरला लागून असलेल्या पाथर्डी तालुक्यात देखील अशाच प्रकारची अमानुष घटना घडली आहे.